اعراسنا والاغاني

+قولولي شو اسوي

+ بنات الي مايسمعن اغاني وطرب تحضرون اعراس فيها اغاني وطق وكيف تتصرفون اذا حضرتوا عرس فيه اغاني ,,,,,,انا الحمدلله مااسمع اغاني وماداني حشرة العرس بس شو اسوي في ناس يعزموني على العرس شو الحل ؟؟؟؟؟؟؟؟؟؟؟؟؟

بالعاده نسلم عند الباب ونبارك للعروس اذا نعرفها ونظهر

السلام عليكم اختي

مثل ماهو معروف عندنا شي اعراس باغاني واعراس بدون اغاني
انتي مو مجبروة ولا احد يروم يجبرج تحضرين عرس فيه اغاني وانتي بالاساس ماتسمعين هالاغاني
وان صار وعزموج اول سؤال تسالينه بيكون شي اغاني ؟؟ اذا هيه اعتذري منهم ولاتحضرين العرس

انا صراحه اشوفها حركه بايخه
مثلا من اقارب المعاريس اللي ما يسمعون العرس ما اييون
يعني ما فيها شي لو ييتي ويلستي وتعشيتي وطلعتي
في فرق بين اللي يسمعون الاغاني واللي ما يسمعن
في العرس بتلقينهن مندمجات في الغنيه
واللي ما يسمعن مستحيل يندمجن وبتلقينهن يسولفن علشان يمر الوقت
صراحه انقهر يوم ادري ان اخت المعرس او العروس ما بيين علشان الاغاني
يفكرن بعمارهن وما يفكرن باحساس العروس او المعرس لان بتكون فرحتهم ناقصه

بالعربي انا اقول اللي ما تحب الاغاني تي العرس متأخره اسلم و تتعشى وتطلع
على فكره انا ما اسمع الاغاني الا نادر وقت الاعراس والمناسبات

والله اللي ما تسمع الأغاني مب مجبوره تحضر العرس حتى لو كان عرس اخوها أو اختها .. لأنهم لو صدق يبونها تحضر بيراعونها وما بيحطون موسيقى وأغاني لو على الأقل نص العرس عشان تحضر وعقب تطلع وهم ياخذون راحتهم ..

وأنا عن نفسي إذا في عرس فيه أغاني ونحن طبعا يخبرونا من قبل .. ما نروح .. و إذا ما خبروا وحضرنا نسلم ونطلع ..

والحين طلعت هالحركه .. انهم يسوون ليله قبل العرس بدون موسيقى وأغاني للناس اللي ما بيحضرون العرس لأنه فيه موسيقى وطبعا يخبرونا يقولون نحن مسوين لكم ليله ما فيها موسيقى عشان تحضرون العرس ..

ورضى ربي أولى من رضى الناس ..

ربيعتي تشل وياها ايبود و تسمع اناشيد لكن انا اشوف انه من الافضل الواحد ما يسير — هذا و الله أعلم