اغتصب البنت وحملت!!

الصراحه هالسالفه من البارح ببالي ماقدرت انام ماني متخيله الكلام اللي سمعته

بنت اخو زوجي تعتبرني مثل اختها الكبيره وقالت لي عن صاحبتها مررررره نفسيتها دمار خوف ورعب عايشه وبالمدرسه دايم تبكي ليين فضفضت لها

تقول ان اختها اغتصبها ولد جيرانهم الباب بالباب و للاسف انها اوول ما اغتصبها ما تكلمت لاحد حتى خواتها الباقي والحيييين حااامل وهي ام 17سنه ابتدى بطنها يكبر للاسف الخدامه وقت ماغتصب البنت كانت موجوده وكل اللي سوته انها قفلت الباب بالمفتاح عليهم لييييين اخذ اللي يبيه(قلت بهاذي استغفر الله يمكن انه معطيها فلوس عشان انها تمهد له الطريق ويستغل الفرصه و الخدامه سافرت الحين) !!!

قالت خايفه تواجه اللي مايخاف ربه وينكر قلت لها مستحييل وحتى لو نكر فيه مستشفى فيه تحاليل تثبت والجنين ببطن امه من ابووه يعني بيزوجونهم غصبا عليه يغتصب وفوق كل هذا يبي يطلع منها مثل الشعره من العجين المفروووض من بدايتها تتكلم مو شرط لامها تشتكي عليه توقفه عند حده اللي سواه ماهو شي عادي الدنيا ماهي فوضى

للاسف ام هالبنت ماهي مثال للامهات معقوووله هالام تحرض بناتها على الرذيله و كانه شي عادي تقول لو تورطتوا بشي مع الشباب تعالوا لي انا احل لكم كل شي واختها اللي اكبر نفس الشي كانت تحمل و تسقط كذا مره طبعا بعلم الام ومساعدتها لييين زوجووها بالاخير الله يستر علينا وعليها ياارب

اما هالبنت ماقالت لامها عن الاغتصاب خايفه تتكلم و تفتح عليها امها ابواااب للشباب

واختها الصغيره فيها خوف خوف من الناس والمجتمع و من امهااااا خايفه يكون مصيرها مصير باقي اخواتها

وهالبنت تبي حل لاختها و الامان لنفسها ونفسيتها

انا فكرت بخدمة الامين تشرح لهم عن وضع امهم الله يهديها ووضع اختها وحياتهم مدري شرايكم و اذا عندكم حل ثاني اتمنى تفيدوني عشان اوصل لها حلولكم