انا طبعا تشريت للبيبي كله افرولات اللي مسكره عند ريووله.. ع استس انها اريح وادفى للبيبي
بس في وحده قالت لي مب زين البيبي يلبس شي مغطي جسمه كامل لانه يحبس الحرارة في جسمة ويأثر ع عينه واطلع حبووب في جسمه لاقدر الله..
لانه يكون لابس افرول مسكر عند ريووله ولافينه بقمااط فما في مجال الحرارة تطلع من جسمه وتأثر عليه..
صح اني بولد في الصيف بإذن الله في شهر9 بس البيبي ما بحطه تحت الشمس بيكون في الغرفه و المكيف شغاال اكيد بيكون برد عليه ولا شو رايكم..!
ياليت من الامهااات واللي عندهم خبرة يفيدووني لاني بكريه وكل حد يقوول كلام ومب عارفه شو الصح!!
"يارب هون الطلق وثبت جنيني وارزقني اياه سليم معافى يارب العالمين..
يآرب حسن الخلق والخلق وارزقه جمال سيدنآ يوسف واخلاق سيدنا محمد صلى الله عليه وسلم.."
وربي يقومج بالسلامه
بصرااحه ما ادري احس شو خص ريووله في عينيه …؟؟؟؟ 
بس كنت اظهر ريوله وأغطيه لانه حراااام يبرد بسرعه البيبي في الغرفه بسبب المكيف
ما اشتري الااااااا الافرولات المسكرة من عند الرجلين واستعملتها حق عيالي حتى 5 اشهر بشكل دااااااائم لليل والنهار وعندي بنت وولد يعني مجربة مع الجنسين والحمد لله ما يوم استوالهم اي شي
الافرولات افضل يوم تحملي البيبي ما يرتفع ولا شي ودوم ادفى لريولهم
والحين حامل بشهري الثامن واشتريت للبيبي كله افرولات .. لا بجايم ولا اي شي ثاني
بس طبعا لازم تاخذين افرولات قطن مية المية وتغسلينهم قبل تلبسيه البيبي اول مرة
ترا القطن يمرر هواء دائما
وهذي خبرتي والسموحة ^^
والحمدلله الامور تمام