شحالكن خواتي
الغاليات .. بغيت تنصحوني ؟
شو الاشياء الي ممكن اتجنبها عشاان احافظ على الحمل .. انا في بداية الحمل .. و بعدني ما كملت الشهر الأول حتى .. و هذا اول حمل .. عشاان جذييه خايفة
ممكن تساعدوني .. خصوصا الأمهات و الي يعرفن حق هالسوالف
يعنــــي متى تبتدي فتره الوحام ؟
وبعد الدكتوره قالت لي أن ضغطـــي مرتفع ولازم ينزل؟
أفيدونـــــي حيايبـــــــــــي؟
بس قريت من الخوات ان تراجعين دكتورة عسب تفيدج ويمكن تعطيج مثبت للحمل لو كان كتكوتي مايتحمل
وبالنسبه للضغط قللي من الأملاح بالأكل وأفضل إستشارة الدكتوره
عليج بالتغذيه السليمه والمحافضه على الفيتامينات المقرره من الدكتوره ولا تنفعلين عسب ما يطلع الياهل عصبي
ولا تحكين جسمج لو حسيتي بحكه خاصه بأضافرج لأن بيسبب لج تشققات عليج بكريمات مرطبه إسألي الدكتوره عن أفضل نوعيه
كثري من شرب السوائل
لا تحملين أشياء ثقيله
لين الحين مااحس بشي بس مااقدر آكل احس معدتي بطيئة استوت وما آكل غير اللي اشتهيه بس
حاولي تلبسين ملابس واسعه _لاتسبحين بماي حار وايد مب زين_السشوار لاتكثرين منه
حاولي ماتنامين مووووول على بطنج _خلي حركتج تكون بطيئة يوم تقومين من على السرير
او اذا كنتي يالسه
حاولي تاكلين اكل صحي لانه هالفترة (او ثلاث شهور) وايد مهمه لانه يتكون الجنين فيها
وهذا اللي يحضرني الحين
الله يجزيكم الجنـــه إن شاء الله ،،،
عليج بالراحة التامة خلال الشهور الاولى ولاتشلين شي ثقيل ..واهم شي التغذية السليمة
ومممم وبخصوص الوحام يختلف من حامل لحامل …حد وحامه يكون خفيف وحد وحامه متعب