اقرن قصتيه . و شورن عليه

اشحالكن خواتي .. عساكن بخير و سهاله …

مثل ما انتن شايفات هاي اول مشاركه لي بها المنتدى ..

و بصراحه .. من اللي شفته و اللي قريته ..حبييت اني اني اخفف اللي فيه
و اعرض مشكلتي عليكن ..من باب الراحه .. و اخذ المشوره

اممم.. قصتي يا خوات بدت يوم خطبني زميلي ( انسان نمبر 1 خلوق و متدين يخاف الله ) من هــلي من يوم ما شافني و عرفني ..

ها الانسان ما فكــر انه يلعب عليه مثل باجي الشباب .. اللي عارفين حالهم في ها الزمان ..

المهم .. تجدم لي ها الشاب .. و طبعا انرفض من هلي .. و نظــرا للأصله و فصله ..( الام امارتيه و الاب عربي الجنسيه الناتج .. ابن مواطنه )

طبعـا اهلي طلعو فيه عيووب وايده .. و الولد ما ينعاب ع فكره …

بس عيبه انه ابووه عربي و هو ما عنده جنسيه بلادنا الحبيبه .. ( يملك الجواز فقط )

تعرفوون .. ع ردهم له .. و لاهــله ..

الشاب مصمم انه يباني بالحلال ..و رد خطبني المره الثانيه و الثالثه و الرابعه ..

و بصراحه … وايد كبر بعيني .. و صدق احس اني تعلقت به ..

احاول ارمس هلــي .. بس ماشي فايده .. احس سالفة الجنسيه ما بتأثر وايد فنظري ..

بس ما اعرف .. الحمدلله كل واحد ملتزم حده .. هو فمكانه و انا فمكاني ..

بس من داخلي احس اني متعلقه به .. و نفس الشيء هو .. لانه دوم يقول ان شاء الله تكونين من نصيبي ..

ربيعاتي يقولون لي اقنعي الوالده و هلــج .. لان سالفة الجنسيه ما بتأثر دام انه عنده مرسوم و الولد شارنج ..

بس ياما حاولت وياها بس ما شيء فايده ..

انتن خواتي بالشو تشورن عليه ..؟

انا عارفه وواثقه اذا كان لي نصيب به بااخذه ..

و ع فكره كملنا سنه و شويه .. و بعده الريال متمسك فيه ..و من فتره لي فتره يخطبني من هلي ..

دومني اندعي من رب العالمين ان كان ها الانسان خير لي فيسر امبينا ..

بصراحه وصلت المرحه .. اني اتنرفز اني خطبني حد ثاني .. بمعنى آخر ما ابا غيره ..

الله كــريم ..