انا اول ما ربيت حسيت بصدمة
لاني ما توقعت الولادة بهاي التعب
كنت محتاجة ابرة الظهر
بس زوجي رفض وما رضى يوقع ع الورقة
عانيت من الطلق الصناعي
اول يوم كنت اعاني صياح و حشرة و اول تجربة لي
محد مقصر معاي
بس تدرون كيف يكون أول طفل
زوجي ما يقصر يوم يكون معاي يساعدني
حسيت بألم و تعب و كله اصيح لا اراديا
الدوام ينسيني التعب تصدقون
يعني يوم أخذ اجازة احس بتعب اكثر لاني اهتم بالبيبي بروحي
بس يوم اداوم والدتي تهتم فيه و اكون بالدوام مرتاحة
و مأمنه ولدي
الدوام ما يتعبني ابدا احس براحه
بس من ارجع احس بتعب اجابل النونو و كل شي
اتذكر اني بحصل اجر ان شاء الله
طبعا عندي خدامة بس ما أمن عيالي عند الخدامة
الخدامة للمساعدة فقط ف الترتيب و التنظيف
انا مب تعبانة من الموضوع
كثر ما تعبانة ان ريلي يحن علي احمل
وانا مطنشتنه حاليا ع اساس لين ما يوصل ولدي ل 3 سنوات ع الاقل
و يوميا ها الموال و مرات من باب الضحك و الدعابة 
احس بعدني فيني اكتئاب من الولادة بس مب رايمة اتعالج لاني استحي لاني يوميا اصيح وانا ارقد ولدي
يعني احس بتعب ومب قادرة اكون ام
و فيني اكتئاب اني بمر بها التجربة عقب سنين ومب رايمة انسى الولادة و تعبها
ادري الاطفال نعمة من رب العالمين
ما ادري شو علاج الاكتئاب
حاولت اطلع اغير جوو في بعض الاحيان
حاولت اتجنب اروح للناس اللي يحسسوني بإكتئاب
فعلا في اشخاص دوم يحبطوني بشكل متواصل
مثلا يوم ازور حد معين كله يعلقون ع شكل ولدي او اسمه او ملامحه بشكل سلبي بطريقة مبالغة
حاولت انمي هواية عندي
بس احس نفس الشي مب عارفة شو اسوي لاني ما ابغي الموضوع يكبر
ادري في بنات ما يحبون يصارحون حد بس ابغي مساعدتكم
ابغي علاج مجرب او مكان جربتوه حتى لو ع الخاص ارجوكم
و اذا تبين دكتور نفسي عندج احمد النجار شاطر ..
انتبهي اختي الله يرضى عليج روحي تعالجي لو تستحين لا تخبرين حد مو مشكلة
ان شاء الله الخوات ما بيقصرون وياج
وكلام سديمو صح ، قوليله انا اتألم مب انته ، واذا يبا بيبي ثاني خليه يوافق على ابرة الظهر
الله يبارك لكم في بعض وفي عيالكم