اكزمتي والحمل

السلام عليكم اخواتي انا عدي حساسية قبل الحمل بالجلد يعني علا شكل اكزما واخد كريم فوسدين والكوم وكل كريمات الكرتزون يعني يومين وارجع الجلد جاف واحك لحد مايطلع الدم من ادي او رجولي ارتاح وانا الحين حامل بالشهر السابع والاكزما زاردت هواي رجولي ادي كلها من فوق لتحت حك وحمار وحبوب ورحت كل دكاترة يعطوني حبوب تنومني بس ماتشيل الاثر والحكة تهداء بس هسة انا عندي اثر حبوب اكزما قديم كيف اروحهم وشكل جسمي محروك من الكرتزون والحسساسية واثرها اريد بعد ما اولد ارجع بشرتي مثل قبل شنو استعمل الله يخليكم ساعدوني

ردو علي الله يسهل امركم ويحفظ اولادكم

ما فهمت كلامج عدل. لو تراجعين عند دكتورة أحسن وتشرحين لها وضعج

والله حزنتيني
هي الاكزيما تستمر لهالعمر !!!
بنتي فيها اكزيما عمرها حاليا 4 سنين , تعبتتتتتتتت من الكريمات ومن اللف على الدكاتره , وكله اقول بتروح الاكزيما يوم تكبر شوي
هي حساسية غذاء وكل الاطباء يقولون حاولي تراقبي طعامها وتشوفين شو نوع الطعام الي يسبب لها الاكزيما , حااااااااااااولت ومازلت وما اكتشفت شي للحين

اختي نصيحة لا تستعملين كريمات الكورتيزون
انا احاول ارطب بشرة بنتي بكريمات وفازلين , لكن ابتعدي عن الكريمات لي يجي فيها عطور لانها تهيج البشرة
واشربي كمية مياه مناسبة لتحافظي على ترطيب البشرة

استخدمو منقوع ماي الشريش
تحطون ورق الشريش في الجدر تخلونه أربع ساعات على نار هاديه بعدين تخلونه ليله كامله وتستخدمونه الصبح يكون مركز تحطونه في الحوض وتقعدون فيه ممتاز للاكزيما عن تجربه لولدي

هذا الرابط الي خذت منه الوصفهhttps://forum.uaewomen.net/showthread.php?t=704163