خواتي لي طلب عندكم بس دعوة تدعون لي بالسجود ان الله ايسر امري ويسهل علي
سالفتي هي،،،،
هذا اول حمل لي ،،، يعني على عماي ما عرف شي،، اذيت خواتي واميه من كثر الاسئله
المهم،،، قبل ما احمل كنت احسب موعد الولادة وللأسف لعددم خبرتي في حساب مدة الحمل
شفت ان انسب وقت للحمل و موعد ولادتي بأذن الله شهر 6 (اكون في إجازة من الجامعه)
والحمدلله رب العالمين ،، الله رزقني
سرت العيادة كالعادة عشان آخذ فيتامين واطمن على الوضع،،
انصددددددمممممممممممت شفت في ال screen الشاشه ان موعد الولادة على حسب التواريخ والحجم و..و..و…
بيكون 24-5-2017
والله من يومها وانا خايفة ،،،
المشكلة ان امتحاناتي الفاينل بتكون في (30-5) إلى (9-6)
والله مذاكرتي صعبه ودراستنا اصعب،،، ما اقدر اربي وارجع ادرس ما يستوي
وما ادري يمكن الله كاتب لي قيصرية ،، الواحد ما يعرف ،، يعني تعب على تعب
والله خايفة
لدرجة اني اتمنى اني اربي في السابع،،، أو اتمنى ان اربي بعد 9-6 يعني اكثر من اسبوعين من موعد ولادتي (اعرف انها صعبه)
والله لاتلوموني،،، ما اريد الجامعه تخترب علي،، ولا اريد البيبي يتضرر،،،
ما اريد تعب كورس كامل يروح،، والله جريب التخرج وابا افتك واخلص
(محتاجة منكم دعوة طيبة بس في السجود،،، الله يسهل علي موعد ولادتي ويسهل علي ولادتي على خير)
ويسهل امورج وكل شي مكتوب
اللهم لا اعتراض على حكمك وحكمتك
واللي صار انهم اتفقووا مع الأساتذة …
يا انهم يجدمون الامتحانات ويمتحنونها قبل موعدها
أو ان يحسبون المادة لهم INcomplete .. ويمتحنون فـ بداية السمستر اللي عقبه
يعني مايضيع عليج شغلج طول السمستر .. مجرد انج توقفين يوم تربين وتمتحنين بداية السمستر اللي عقبه
انتي رمسي الأساتذة ع بداية السمستر وشاوريهم فالموضوع .. وانشـالله توصلون لـ حل ^_^
(( شدي حيلج من بداية السمستر وحاولي تخلصين اللي عليج كله قبل موعد الولادة، وعن الامتحانات…. لو ما رضووا انج تمتحنينها قبل باقي البنات حاولي لو يصير تمتحنينها ع بداية السمستر اللي عقبه.. وانشـالله خييير))
عاد انـشالله يطلعون الأساتذة عندج متفاهمين ويساعدونج فالموضوع!!!
و****لله اللي كاتبنه لج ربج يكووووووون خيير لج يارب