بليييييييز اللي راحت الاردن او تعرف اي شي عن الاردن والاماكن السياحية والاسواق هناك تساعدني لاني بسافر بعد اسبوع ريلي عنده دورة هناك لمدة 3 شهور
بليز ردوا علي
ممم
في الاردن انصحك تروحي لجرش
وفي عمان (العاصمة) في سوق شعبي للعبي عنده عبايات روووعة اشكااال والوااان اسمه سوق عصفور
ولا تنسي تشتري من وسلوى
وزعتر … الاردن مشهووورة بالزعتر
وفي محل بعمان اسمه كباتيلو عنده زعتر لذييييييذ
أول شي بالنسبة لعمان العاصمة
فيها اسواق وايد وكلها تبيع ملابس وهم متخصصين بصناعة الأحذية أكثر شي
بس ترى المستوى مش وايد راقي
بس جلابياتهم وااااااااايد حلوة
أهم شي تشترين البقلاوة الأردنية عندج حلويات زلاطيمو
بالنسبة للمطاعم منتشرة في كل مكان ويقدموا أكلاتهم الشعبية مثل المنسف وغيره
لو قدرتي تطلعين مناطق ثانية أنصحج بالبترا اللي الحين صارت من عجايب الدنيا السبع
وعندج بعد في البحر الميت منتجعات حلوة
ولا تنسي تاخذي منتجات البحر الميت للعناية بالبشرة والجسم مثل الطين والملح والكريمات
وطبعا لازم تمرين جرش وتشوفين المدرج الروماني…..وهناك في مطعم ممتاز اسمه شلالات ياهلا…وعندج بعد الوادي الأخضر
وزيارة أخيرة ومهمة لعجلون هالمنطقة في الشتا تكتسي بالثلوج
المنطقة جميلة جدا وفيها قلعة عجلون …….
كلها خضرة
وممكن تزوري نهر الأردن راح تشوفي الأراضي المحتلة على الضفة الثانية وااااااااااايد قريبة……
وزرت أربد بس أربد مافيها شي يستحق انج تسيرين له……
زيارتي الأخيرة كانت في 2024 فعذريني ما أذكر وايد أشيا
وإذا تذكرت اسماء الأسواق راح اخبرج إن شاء الله
بس الجو حلو واكلهم حلو
العيشة غالية بالنسبة لمستواهم