الأمهات اللي عيالهن داخلين على كي جي 1 او اللي لهن تجربة سابقة في هالمجال حياكن احدرن

السلام عليكم ورحمة الله وبركاته

اول شي كل عام وانتوا بخير وتقبل الله طاعتكم وبارك لكم في أعيادكم إن شاء الله

المهم يا حريمات اباكن تفيدني في موضوع أول سنة روضة .. أبا تجاربكن مع عيالكن عشان أستفيد وغيري منه خصوصا ان هذا أول ولد لي بيدخل الروضة وأحاتيه واااااااااااااااايد لانها تجربة يديدة وآخر عهدي بها لما كنت أنا بأول سنة روضة والذاكرة ما تسعفني في شي الا اني كنت طفلة مؤدبة وطيبة وما لعوزت أميه موووول مووووول موليه خخخخخخخخخخخخخ

المهم يا حريم اللي عندها تجربة سابقة ياليت تفيدنا وتخبرنا كيف كانت تجربة عيالها بأول سنة روضة.. كيف تقبلوا الموضوع وكيف أقنعتهم .. وكيف كان تصرفهم بأول يوم ..

وبالنسبة للباص انا لازم اخليه يروح وايي بالباص لاني ماسوق وما عندي حد يقدر اييبه ويوديه ومب عارفة كيف اتصرف و ياه او كيف اقنعه انه يركب الباص بدون صريخ خصوصا بأول ايام ..

وشو اللي مفروض اشتريه له غير الشنطة وملحقاتها والجوتي عزكم الله ..

انا سجلته في روضة الحكمة الخاصة في عيمان عشانها قريبة .. اذا فيه وحده جربت هالروضة ياليت تخبرني كيف تعليمهم واهتمامهم واذا فيه ابلة معينه للكي جي 1 وااايد تعليمها اوكي ممكن اعرف اسمها..

وممممممممممم بعد أبا اسأل متى لازم اروح استلم ملابس الروضة الحين والا اتريا اول يوم في الروضة عشان استلمهم ..

واخر شي الهم الاكبر الحمام اكرمكم الله .. هل تحسون انهم يتعودون بسرعه على حمامات الروضة والا يبي لهم وقت .. انا مشكلة ولدي ما يعرف يعدل البنطلون بروحه اذا انحاس مع اني احاول اعلمه واخافه يتوهق من هالناحية .. وانا سمعت ان فيه مشرفة على الحمامات بس مب عارفة حدود شغلها ..

سامحوني غثيتكم بكثرة الاسئلة بس اتريا تفاعلكم وياية والله يحفظكم امين

انا بنتي رايحه كي جي تو بس عمرها اربع سنوات واربع شهور ..
وندمت اشد الندم اني دخلتها المدرسه بدري .
يبالج تحطين في بالج انه المرحله اليايه لازم توسعين صدرج واطولين بالج .. وعلى فكره اول الايام تكون سهله لانه الطفل يبا يجرب شي يديد بس بعدين يبدا الملل وصعوبه النشه الصبح .. ونحاسه الريوق…
اول يوم دراسي فهمي ولدج انه رايح المدرسه يلعب ويغير جو مع اطفال من عمره عشان ما يخاف وياخذ راحته اكثر .. لانه كي جي ون الهدف منه تعليم الطفل على التواصل مع المدرسه والاطفال في عمره .. واشياء بسيطه يتعلمها …
خليه ينام من وقت عشان يشبع رقاد هذا اهم شي .. علميه يغسل اسنانه بروحه وانا عانيت وايد من هالشي واستخدمت العنف مرات لانه بنتي كانت عنيده بس حاليا تعلمت انه اسلوب الصراخ والصوت العالي يخلي الطفل لامبالي ويعاند اكثر ..
وبالنسبه للصياح في المدرسه اول يوم .. روحي معاه اول شي ويلسي عنده لين ما يندمج في الجو وانسحبي بدون لا يحس فيج .. راقبيه من بعيد .. اذا صاح .. بيصيح وبيسكت عادي .. لا تردين تشلينه ولا تراج بتعانين وايد
هذا اللي عندي اتمنى افدتج
دعواتكم الله يهدي بنتي هالسنه وتكون اسهل عن السنه اللي طافت

انا ماجربت لاني بعدني ثنويه عامه بس بنت اخوي بتدخل الروضه هالسنه ان شاء الله

شوفي حبيبتي اول شي فهمييه انه بروح مكان فيه الاصدقاء والالعاب وبيلعبون وبيستانسون + دوري صور حضانات او صفوف الروضه كيف وخليه يطالع قولي له انت بتروح هنا شوف الالعاب وبكون معاك اصدقاء وفي وايد العاب الخ ..هالحركه انا جربتها في بنت اخوي واايد استآنست وقبل ماتبا تروح الحين لاا احسها متحمسه يوم اقولها تعالي برويج الروضه اتي تشوف وتستانس وااايد ..

النقظه الثانيه لما بتشترين له اللوآزم من شنطه وهالسوالف خليه هو يختآر ويكون على ذووقهه ..عشآن يحب الشنطه ويشلها ويستآنس بها ..

بالنسبه لأول يوم طبعا انتي قبل بتكوني مخبرتنه انه بروح الروضه وبشوف اصدقاء والخ ولازم لازم تحمسيه لهذا الشي عشان يتقبل الفكره ويتريا اليوم المحدد وكل يوم ذكريه وقعدي سولفي وياآه ومن هالقبيل ..

وبعد اهم شي الاكل الي يحبه والحلويات لازم توفرينه عنددج بس يعني لو قمت الصبح وماصحت بعطيك حلااوه ..لو سويت هيك بنروح الالعاب والخ >> طريقة التحفيز هذي وااااااااايد حلوه وتنفع جربيها ..

والبآص اذا روضة خاصه اكيد في وحده مشرفه وتكون عنندهم وتراقبهم ..

وأول يوم بعد كل شي بهدوء وبتنحل السالفه صدقوني ايام حلوه .. ولو مثلاا عندج خواتج يدرسون او حميآتج خليه يكون اول الايام وياهم لما يتزهبون ويرتبون اغراضهم حتى اول يوم يتريا البآص وياهم ..

احنا بنت اخوي كانت فالحضانه السنه الي مضت طبعا احنا نقول لها بتروحين الحضانه وهناك الاصدقاء والعاب والحبيبه تقوم من الصبح تلبس وتكشخ وتاخذ شنطتها ..اتي صوبنا نتريق وعقب نطلع انا وياها واختي ناخذ كراسينا ونقعد ومرآت باصنا اي قبلها خخخخخخ ومرات هي تروح قبلنا ..لاحظنا اول يومين ماتركب روحها لازم حد يوصلها ليييييييين باب الباص وعقب عآآدي بروحها تروح وتشوفنا يوم نروح ووآآيد تستآنس عندهم ..

حبيبتي لاتاخذين الامر بصعوبه وخوف لاا عادي ..اما عن سالفة انج تراقبينه وهذا بقولج ..انتي اول مايروح اطلعي وروحي وراقبيه بس عقب من بعيد ..وثاني يوم روحي بس بدون مايحس انج موجوده ورآقبيه من بعيد تقريبا اول اسبوع منها تراقبينه هو وتصرفاته وكيف المعلمات يتصرفون لو صآر شي لاسمح الله ..يعني كل شي من بعييد لبعيد عشان مايتعود انج انتي بتكوني وياه ..

واااايد رمسة وان شاء الله تستفيدين من رمستي :$ ..ولاتاخذين الامر بصعوبه وحآولي تحمسيه لروضه ..وان شاءالله يستآنس ..

( يآآرب يآآرب دهن العود اتييب من اوائل الدوله في الثنويه العامه ))

اختي موكا كوفي

يزاج الله كل خير الغالية والله يعين ولدي على وسيعة البال والصدر لاني حامل في التاسع وماحس بقدر استحمله وايد خصوصا انه دلووووع واااايد بس ان شاء الله بحاول ايود اعصابي وياه ماباه يكره الدراسة من اولها ..

مشكورة الغلا والله يهدي بنتج فعلا الملل يظهر بعدين وايد ناس قالوا لي نفس الكلام

الغالية دهن العود

ما قصرتي حبيبتي ما شاء الله احس عرفتوا تتصرفون الله يحفظ لكم بنتكم
انا الحين مشجعتنه من النواحي اللي ذكرتيها وان شاء الله تفيد وياه خاصه اني اشوفه متحمس للحين بس خوفي انه وايد دلوع وصياح يوم بيشوف الجد يقلبها علينا مناحه

تسلمين حبوبة وادعوا لي بالتوفيق

أنا ولديه اول سنة بيروح المدرسة

من عمره سنة ونا أقول له يوم بتكبر بخليك تروح المدرسة شرات خواتيه

وبخليك تروح بالباص

أو بابا بيشلك المدرسة

وكانوا خواتيه يوم يردون من المدرسة يربع عشان يركب الباص.. حتى لو يلفون فيه دورة وحدة

كان يستاااانس

والصبح بعد

كان يركب معاهم وراعي الباص كان وايد متفاهم وياه

ويحوطه وكل شي عقب يرده البيت

وختيه اللي كانت ترد بسيارة كان يروح عشان اييبها

يعني متلهف ع شي اسمه مدرسة

بس الله يعيني

دوامه الثلاثا ودوام خواتيه الأحد

أحسه بيصيح يبا يروح المدرسة

ههههههههههه

وأغراض المدرسة نقاهم واختارهم بروحه

خليته يتنقى كل شي بنفسه

وموقف حلو صار لي

يوم ردينا شل اللانج بوكس ماله وراح ترسه فواكه

يوم شليت الأغراض بخشهم أحس الشنطة ثقيلة

فجيته حصلته داعسنه فواكه

ههههههههههههههههه