شخبااااااااااااركم؟؟
يا الغاليات عندي مشكلة أعاني منها من سنة ونص
وللحين على نفس الحال ماتغير شيء
بنتي عمرها سنة ونص تقحص (تستيقظ) في الليل يمكن 5 مرات
وساعات تقعد تصيح
وآنة طول الليل من سريري لي سريرها
يعني آنة كلش مارقد طول الليل
تعبت معاها وايد
مع أن أول ساعتين ماتقعد إذا ارقدت
لكن عقب تقعد تتقلب وساعات تصيح
والله تعبت معاها ومب عارفة شنو الحل؟؟!!
وألحين الله رزقني بياهل ثاني
وآنة طول الليل يا أخته أو أهوة
يعني كنت قبل أقوم من سريري 5 مرات
ألحين صرت أقوم 8 أو 9 مرات
أدري بتقولون عيل ماترقدين
عدل آنة ما ارقد طول الليل
أقول يمكن يكبرون ويستعدلون
بس أخاف يتمون على هالحال
وآنة بكون السبب لأني مادورت لي على حل
مابي منكم ألا أن تعطوني أفكار
من تجاربكم تساعدني
أو اللي عندها وصفة مشروبات اعطيهم إياها قبل ليرقدون؟
جزاكم الله خير
بتحصلينها آخر اليوم تعبانه وبترقد الليل كامل من التعب وما بتنش ،، وخليج ع هالمنوال لين ساعة البيلوجية في جسمها تتعود ع الرقاد ،،
اذا قامت من النوم خليها بروحها ،، ولا تدخلين معاها فالسرير فالطفل يتعود ان اهتمام الأم يحصله بس وقت ما يصيح فتتعود انها تستخدم البكاء والنهوض وقت الليل حتى تكسب اهتمامج ،، فـ خليها تصيح بتهدا بنفسها اذا طولت روحي لها الغرفة وخليج عند الباب لا ترقدين ع سريرها وخليها تروح لشبريتها وتنام ،، واتركيها حتى تتعود ،،،
بالنسبة للياهل الصغير خليه يشبع حليب وقمطيه عدل بيرقد ما بيقوم من النوم ، وبعدين الياهل اللي توه مولود لازم فالبداية شوي تتعبين معاه بس عقب بيعتدل مواعيد نومه وبترتاحين ،،
الله يخليهم لج يارب
كلنا كذا اختي انا نفس شي عندي طقلة كنت اقوم في بالليل مثل ماقلتي خمس مرات اربع مرات او اكثر
لكن الحمدلله
من يوم ماكبرت واللحين عمرها سنة وخمسة اشهر تقوم بالليل مره او مرتين تبا رضاعة اللحليب
خلج كووووووول وعادي الموضوع بس يكبرون يتغيرون ويتعدل نومهم وفترات الاستيقاظ عندهم تقل
تصيح أحيانا بدون سبب ….وأحيانا يوعانه….
وفي أيام ماتنش الا مره وحده…
يعني ما أحس رقادها منتظم..
الله المستعان
لو تعرضينها على الدكتورة وتخبرينها بهالشي…يمكن عندها التهاب لا سمح الله…
يمكن مب مرتاحة من الفراش…أو البامبرز…أو جو الغرفة..
حاولي ما تخليها تنام بنهار وتمارس نشاطات لعب وحركة
وحاولي بالعشا تخليها تشبع ولو تسويلها سمونه كآخر وجبة بتحسينها تشبع وتنام مرتاحة ..
الله كريم