الإمساك و السيريلاك شو الحل !!!

السلام عليكم و رحمة الله ..

تقبل الله منكن خواتي صالح الأعمال .. و كل عام و إنتم بخير ..

سؤالي .. شو أفضل نوع سيريلاك للطفل من عمر 6 شهور .. و كم معلقة و كم مرة باليوم ؟؟ و هل أخلطه بماي ولا بحليب؟؟ " أحس بنتي ما تاخد كفايتها مني بالحليب !!
و ما يسوي إمساك .. لأنه جربت سيريلاك الأرز نستلة و سوى إمساك !!

و سمعت عن ماركة صحة الأردنية تصنع سيريلاك؟؟ وين ألاقيها؟؟ و هل لكم تجارب فيها؟؟

أعطيت بنتي بسكوت فارليز قطعتين في اليوم بس أحسها ما تشبع .. و الحمد لله بس أولها سوى إمساك بعدين الحمد لله أحسن ..

و سمعت عن بسكوت ميلوبا. هل هو نفس بسكوت فارليز بالمحتوى؟؟ و وين ألاقيه لأني دورت عليه و ما لقيته..

ربي يجزيكن الخير و يتقبل صيامكن و يبعد عنكم كل مكروه ..

السيريلاك اذا سويتيه بالحليب يسوي امساك سويه احسن بالماي وخخففيه لا تسوينه ثقيل وعطيها خظره وعصير برتقال هو لازم بداية الاكل يستوي امساك حق اليهال وعطيها شوي ماي بعد اذا تذكرت شي بكتبه بعدين

عوديها عالماي حتى لو ما تحبه اذا تعودت تشرب ماي ما بيصيبها امساك ان شاءالله
ولدي مووول ما كان يستسيغ الماي قمت ايوعه وأعطيه ماي ويا شوية شكر
والحمدالله تعود انه يشرب يوميا
وقبل اي وجبه شربيها شوية ماي وبين كل كم لقمه شربيها
عطيها تمر لذيذ ومفيد ويشبع
يا انج تهرسينه ويا ماي وتصفينه وتشربينها
او بايدج تلينينه وتأكلينها *

سويه ويا ماي فديتج وعطيها ماي بين الوجبات

كبدايه جربي سيريلاك الرز ومن عقبه القمح

سويه بالماي..
وانا افضل بالقمح كبدايه..
وسيريلاك الارز واااايد سكري.. انا اكل ويا ولدي اي شي اعطيه علشان اعرف طعمه كيف..
بس انصدمت لما حسيت بلوعه من طعم الارز لانه وايد سكري..
فقمت اعطيه سيريلاك القمح ويوم كبر شوي عطيته سيريلاك بقطع الفواكه..

الامساك مش من نوع السيريلاك..
لااااااازم يشربون ماي قبل وبعد الوجبه.. علشان ما يصير امساك..
في البدايه صعب يتعودون عليه..
بس مع الوقت بيتعودون..

وحاسبي لا تخلينه وايد كثيف (غليظ).. خليه شوي سائل علشان ما ييبس بطنها

الله يجزيكن الخير ما قصرتن .. ربي يبارك فيكم و بأولادكم ..

الحمد لله الوضع أحسن .. غيرت سيريلاك الرز للقمح .. و صرت أعطيها فواكه و خضرة بالغصب (
و الماي تشربها بالملعقة ما تعرف المرضعة !!

ربي يجزيكن كل خير و ما تشوفوا شر