انا من بداية السنة وانا اتريا اجازة الصيف
واحسب الايام والساعات ,, بس يوووم يت الاجازة يت بعكس توقعاتي ..
ف البيت انا واخوي بس .. اخوي اصغر مني عمره 18 انا 20 واماية وابوية
خواتي الكبار معرساات …
مشكلتي اني دووم احس بضيق وملل ,, احيانا ماطيق اشووف احد ولا ارمس احد
من زوود الملل … مااظهر اذا بيظهروني بودوني السووق او المستشفى
او اظهر ويا عيال خواتي وتعروفوون كيف الطلعة ويا اليهال تييب الهم …
مب عارفة شو اسوي .. ابا اشترك ف دورات ابا اشترك ف نادي بس ظرووف هلي ماتسمح
طوول الوقت اقضيه ضرابة ويا اليهال(عيال خواتي) يحشرووني واكره نفسى ابا احد يحس فيني
يوومى اقظيه ع النت واكل وشرب .. كرهت النت وكرهت الاب توب ابا شي يديد ابا استفيد من الاجازة ابا اظهر استانس ابا اسوي اللي اباه كل شي ممنوع علي ..
الملل يخلينى افكر ف الماضي وايلس اتحسر ع اشيا سويتها ويزيد همي ,,,
مب عارفة شسوي ابا اقتراحاتكم كيف استانس ف الاجازة مع العلم انه ممنوع علينا الطلعات و الدورات والنادي يعنى كيف استفيد من الاجازة وانا ف لبيت
انا اشوف واايد اشياء تقدرين تسوينها .. مب شرط تطلعين دورات ولا نادي
خلي هالإجازه فرصة عشان تغيرين نفسج بكل النواحي .. يعني عندج عيب في تصرفاتج تحاولين تغيرينه
او مقصرة في عبادتج لربج ابدأي بتقسيم وقتج تقرين كل يوم جزء والاذكار والاستغفار بعد كل صلاة وصلي السنن والنوافل والشفع والوتر
يكفي وجود العبادة بيومج وذكر الله هذا يزيل الضيق والملل الي انتي حاسه فيه
وبعد ربيعاتج كلميهم اعزميهم عندج .. والله اني من يومين وايد ملانه اليوم عزمت ربيعتي وتغدينا رباعه
وايد هالشي غير من نفسيتي ومنها اقوي صلتي فيها ..
الله يهداج بعد لا تحطين راسج براس هاليهال .. جان انتي متأذيه منهم طرشيهم عندي ههههه
واي شي بخاطرج بعد آمري ^_^
الله يوفقج حبووبه
المشاركة الأصلية كتبت بواسطة للأمل بريق 
انا اشوف واايد اشياء تقدرين تسوينها .. مب شرط تطلعين دورات ولا نادي
خلي هالإجازه فرصة عشان تغيرين نفسج بكل النواحي .. يعني عندج عيب في تصرفاتج تحاولين تغيرينه
او مقصرة في عبادتج لربج ابدأي بتقسيم وقتج تقرين كل يوم جزء والاذكار والاستغفار بعد كل صلاة وصلي السنن والنوافل والشفع والوتر
يكفي وجود العبادة بيومج وذكر الله هذا يزيل الضيق والملل الي انتي حاسه فيه
وبعد ربيعاتج كلميهم اعزميهم عندج .. والله اني من يومين وايد ملانه اليوم عزمت ربيعتي وتغدينا رباعه
وايد هالشي غير من نفسيتي ومنها اقوي صلتي فيها ..
الله يهداج بعد لا تحطين راسج براس هاليهال .. جان انتي متأذيه منهم طرشيهم عندي ههههه
واي شي بخاطرج بعد آمري ^_^
الله يوفقج حبووبه
راي من راي الاخت حاولي اتسوي شي ينفعج لا اتمي اشي وتضايجي
الله يوفقج الغلا
على الأقل عندج أخ عمره 18 يعني قريب من عمرج
أنا بالمرة ما عندي خواني كلهم يهااااااااااااااااااااااااااااااااال..
وأنا عمري 21.. تخليل الي عقبي عمره 12 سنة خخخخ
المهم بس اقضي وقتي بين الكتابة التصميم في الفوتوشوب وحاااااااااليا الطبببببببببببببخ..
على فكره ما كنت احب المطبخ ولا شيء اسمه طبيخ بس عقب تغيرت وشفت أن الطبخ فن يعني ابتكر اشياء يديده..
عاد على حسبج أنتِ شوفي شو الشيء الي تحسين أنج تقدرين تنتجين منه شيء جديد..
تخيلي أنا من زود الملل ازخ الخدامه واعلمها انجليزي خخخخ وهي مستانسة دورة ببلاش.. ^^
وهاااي هي الحياة بس لا تستسلمين للملل ابدي احفظي قرآآآآآآآآآآآآآآآآن عسب ربي يفرج ضيقتج..
"ألا بذكر الله تطمئن القلوب"
يعني ممكن تتعلمين تصممين موديلات . .
وايد بتستانسين . . أو تعلمي الطبخ وتفنني
فيه . .
بس برمضان…صدج…ملل…لأن بالنهار رقاد…ولساعه 12 قعدنا 1 للعصر رقاد والعصر قرآن مطبخ تلفزيون فطور صلاة وسهر ورقاد….ما احس برمضان…ناويه هالسنة رمضان يكون غير…واتغير للأفضل ودعواتكم بالهداية…
الاني شرااتج
بس بفكر اني اتعلم شي