الاسبرين والتجمع الدموي

السلام عليكم خواتي
حبيت اخذ استشاره من اللي عندهم خبره
انا حامل في نص الشهر الثاني ومن كم يوم نزل علي دم خفيف ومن يومها كل يوم تنزل يمكن قطره وحده من الدم يعني شي ﻻ يذكر
رحت لمستشفى كرومويل في العين وقالت الدكتوره ان كيس الجنين موجود ولكن ما شافت الجنين وقالت انها تشوف تجمع دموي وبجذيه الحمل ما راح يكتمل
ثاني يوم رحت للدكتور مجيد في مستشفى النور وسوالي سونار وقال انه يشوف الجنين ولكن للحين مافي نبض وشاف التجمع الدموي وقالي 50 بالميه يكتمل الحمل و 50 بالميه ﻻ وكله بارادة رب العالمين
وعطاني موعد بعد اسبوع
خواتي انا قريت عن فوايد اسبرين الاطفال بالنسبة لحالتي
شو رايكن انا وايد محتاره

انا وصفته لي الدكتوره اتقول يعتبر مثبت و يوصل الدم بسهوله للبيبي

بس انا ما عندي مشاكل وماحس اني محتايتنه ف ما خذته

اتقول الحين نازل بروتوكول يديد عندهم و ينصحون فيه الحوامل

مشكوره اختي نوير على الرد بس حبيت اعرف بعد ردود اكثر من البنات اللي مرن بنفس ظروفي

انا دوم اخذ اسبرين في حمالي بس وقت ما يستوي لي نزيف على طووول يوقفونه عني لانه يزيد النزيف وارد اخذه يوم يوم النزيف
لانه هو يخلي لزوجه الدم اقل فيمشي بسرعه في الشرايين وبالتالي يغذي الجنين بس وقت النزيف لا هذا من واقع تجربتي الثنتين
والله يثبت لج حملج يارب

مشكوره حبيبتي على ردج وانا للحين ما اخذته وياليت اسمع تجارب بنات مرن بنفس تجربتي

اختي الاسبرين يعطونه في حالات تجلط المشيمه ، يعني الاسبرين يسوي سيلان للدم ،، ودايما يعطون الاسبرين مع المثبت الديفاستون ، اختي انصحج لا تخدينه لان حالتج تجمع دموي في قصور في وصول الدم للجنين
الله يثبت حملج

اسالي الدكتور اذا تحتاجين والا لا واساليه اذا تحتاجين دوفستون او تحاميل سايكلوجست لتثبيت الحمل وفي طريقة سويها حللي تحليل حمل دم بس يكون رقمي وعقب ٤٨ ساعة عيديه اذا النسبة اتضاعفت معناه حمل سليم باذن الله اما النسبة لو ما اتضاعفت او نزلت او ارتفعت بنسبة قليلة معناه الحمل موب طبيعي هذا والله اعلم