مرحبا خواتي الامهات واتمنى اتكونون بصحة زينة انتو واعيالكم …
اعيالي ذابحتنهم الكحه بصدرهم احس من كثر مايكحون صدرهم بينشق الله يحفظهم ان شاء الله ويشفيهم واحد سنة ونص والثاني اربع شهور وما اعرف شو اسويلهم وخاصة اليوم الجمعة وماشب عيادات فاتحة مع العلم اني ماخذتنهم قبل العيادة والحمدالله خفو واليوم راده لهم والله هاميني حنا الكبار مانتحمل كيف هم … ابغي مساعدتكم حد ايعرف اكله معينة او حتى شرب اتوره واعطيه حقهم طبعا مجرب ومضمون وانصحوني بعيادة زينه مع دكتور شاطر مختص بهالكحة علما اني من راس الخيمة …
ادعولهم بالشفاء الله يخليلكم اعيالكم :"(
والسموحة..
الله يشفيهم يارب ,,الكحه مشكله ماتفج بسرعه تاخذلها وقت لين تفج ,,سيرى اى صيدليه وخذى دو الكحه ,,على شان تخفف عليهم الكحه..وبا جر بأذن الله وديهم العياده,,انا من دبى ماعرف عياده فى راس الخيمه ,,أن شا الله الخوات ألى من راس الخيمه بيفيدونج.
سوي لهم بخاار و حطي في ماي و ملح الي ينبااع في الصيدليه واااايد بيرتاحون انا عيالي جي ..من يكحون و ما فيهم زكام اسوي لهم بخاار و الحمالله كم يوم و تخف عنهم
لا اختي اذا سويتي بخار مرة خلاص بيتعودون عليه وما بتفج عنهم الكحة مره ثانيه الا لازم بخار .. انا برايي عني بعمرج شوي وروحي الشارجه وديهم عياده عادل مطاوع مشا الله عليه اشطر دكتور في هالسولف وانا ولدي عمره سنه ونص كان من كثر البلغم الي فصدره كل شوي يرجع كل الحليب او الاكل الي ياكله والكحه ما تفارقه وديته يوم الاحد والحمدلله فرق كبير في اقل من اسبوع
الله يشفيهم ان شاء الله
مشكورين يزاكم الله خير ..
اي والله انا بعد بنتي عمرها سنتين ونص و ذابحتها الكحة.. الدكتورة تقول حساسية.. بس موب مقتنعة لاني اسمع جي خرخشة بكحتها وصدرها.. ومرات تلزمها الكحة الين تذب كل اللي اكلته.. يا بعد عمري عليها ودوا الكحة موب فايدها شي قلت اليوم بجيبلها تحاميل وباجر بروح دكتور غير هالدكتورة
الله يشفي عيالج يا رب و عيال المسلمين جميعا