الاكلات اللي جربتها هالاسبوع

بيض سمج .. بس فورته لين ما استوى لين لين .. و بعدين بهرته اب fish masala و قليته

خلية النحل – بعجينة ال 10 دقايق

بسبوسة – كنت مكثرة من جوز الهند

هني كنت مسوية جاي بس بردته في الثلجة و حطيت وياه شوي زنجبيل مبشور و حلقات ليمون.
و الحلاوة – تطبيق للي سوته مرحباني اعتقد اسمه شاي توكرا .. لذيذه كانت.
و باجيلا

خذت هالطريقة من موقع اجنبي .. نظفت الدياي (من غير ما اسلقه) و حطيت جبن سليس فوقه و بعدين صبيت شوربة
جاهزة فوقه cream of chicken soup

فورت حليب مع شربت ورد و شكر .. و عقب خليته في الثلاجة يبرد

شوينا كباب – تجربة فاشلة لانه الكباب كان يتفتفت .. شوي حطيت طحين و استوى اوكي لوول ..

كوشري و تندوري

بيتزا – تونا و خضروات – عجينة ال 10 دقايق

برياني ربيان .. نفس برياني دياي و لحم مرحباني

حق الفطور .. يبست التوست .. و فوقه لبنه و نعناع.

حلاوة النكسافيه .. طبقة بسكوت و فوقه كريم كارميل و قشطة و دريم ويب .. و رشة نكسافيه

رنجينتي الفاشلة لوول .. سويتها بالتمر .. طعمها حلو بس كانت يابسه.

صالونة دياي مع ملوخية .. لذيييذه.

سلطة بطاط و بقدونس و كريم … و السمج طريقة اجنبية اسمه fish stew عبارة عن سمج مفور و بعدين مفتفت
و بصل اخضر و سوي سوس و اويستر سوس داخل الفرن مع بيض و بقسم .. ما كان وايد حلو .. شوي مالح السمج طلع.

هني ما لحقت اصور .. بس كنت مأخذه الوصفة من موقع اجنبي .. العيش كان فيه 3 الوان فلفل رومي ..
و اللحم نكهة ال jalapeno
السلطة – طمام و ذره و thousand island sauce
و الرنجينة مبينة في الصورة

واااااو
فديتج والله يوعتيني

كيف سويتي سلطه البطاط حبيبي؟
والله خاطري اسويها احسها حلوه

كل اكلج حلو
الله يسامحج والله يوعانه ههههههه

فورت البطاط و يوم لان شوي دخلته في الفرن مع صلصة ال thousand island
و جبن موزيريلا و بقدونس و بسسسسسسسسسس ..

ما شاء الله عليج

يممممممممممممممممي وان شبعانه شهيتيني ربي يحفظج يالغالية

صحة وهنا