الام المفاصل وبالاخص القدمين

السلام عليكم اعاني من الام القدمين والضهر لدرجة بصعوبة مرات اصعد الدرج واخاف اروح للطبيب اخاف يطلع بي شي علما اني عندي بواسير فهل له علاقة بهذه الام ارجو اني تفيدوني بخبراتكم ونصايحكم

نحن مب دكاتره يالغلا
الافضل انج تقوين قلبج وتروحين المستشفى
اهني محد بيفيدج لن التشخيص يختلف من شخص لشخص
وراح اتضيعين وقتج وانتي مبين صحتج ما تتحمل
فروحي وطمنينا عنج
والله يعافيج يارب

لا ما يخصه ببعض وعادي الم المفاصل والريل اسبابها مب تخوف يمكن نقص فيتامينات او طحتي او وايد توقفي وتشتغلي
سيري المستشفى بالعكس جيه بتعالجين المشكله بسرعه بدل ما جيه تعاني
البواسير كثري شرب الماي والفواكه والاكل الغني بالالياف تخف
للمفاصل والريل راجعي عند قسم العظام والمفاصل
للبواسير قسم الباطنية

مشكورة ويارب يكون كلامج مضبوط اني اخاف لان من يوم الي توفة ابني بمرض خبيث صار عندي وهواس واخوف من اي شي لهذا اخاف اروح ويطلعلي بي شي ����

الله كريم انشاء الله حبي

ربي يشفيك غناتي يستحسن تروحي عند طبيب عشان ترتاحين
الله يرحمه ولدك ويعطيك العافيه وطمنينا عنك

الله يرحم ولدج و يكون لج شفيع يوم الحساب ،،،
بس لازم اتسيرين لدكتور العظام عسب تتطمنين
أكثر ترى كل الي راح يسوونه لج
اشعة و بعد راح
يشوفون اذا الكالسيوم او فيتامين د ناقص عندج والا لا
اما البواسير ف سيري الباطنية
الف لا باس عليج ختيه