خواتيه الغاليات اشحالكن،،، عذراً على هذا الموضوع يمكن يضايق البعض
ولكن دورنا كأخوات فالله لازم ننصح
أنا استغرب من الأخوات اللي عاطيات الانستقرام اهميه في موضوع الزوج
ضافني ولا رد عليه ولا سوا ليه لايك ولا بلووك
يا خواتيه فالله ليه ترضن بانكن تضيفن ازواجكن ولا إخوانكم ولا شباب الأهل في حسابكن اللي فيه من البنات والتاجرات وللبنات اللي يعلقن ويضحكن
السموحة وين الغيره،،
أنا أتكلم عن اللي عندهن حساب للكل مب العائلي البحت
واستغرب من اللي تضيف ريلها!!!!!
او الريال الي يضيف خواته وحرمته!!!
وين غيرتك ورجولتك!!!!
لا تقولون بانيه مكبرة السالفه..للأسف القيم والعادات الطيبيه هي اللي تغيرت فينا وصرنا نشوف كل شي عادي فري،، من التطوير وعادي شباب وبنات ،، ما نتكلم الا في أمور عاديه وقدام الملأ
الريال عنده ربع في اللسته وممكن بانه يدخل عليكن في الحساب،، وخلاف الزوج أيضاً يدخل في حساب صديقاتكن بسبب إعجابه لرأيها في صوره لحرمته
او إعجابه في صورها الخاصه،، وهنا يبدأ الدمار عفوا اللاأخلاقي
ويبدأ يضيف البنات بحجه ما ،، تجاره صداقه لمشاهده الصور او اي أعذار !!!!
والحرمة بعد تبدأ تضيف الشباب وبنفس الأعذار
والله اعرف زوجات يضيفن الشباب وعااااادي تعليقات الشباب والسوالف!!!!
هذي تفاهات ،،
عافانا الله قمنا نسوي أمور نشوفها سابقا كبيره -وعيب -وخدش للحياء -منقود
وما غير اللي يحطن صور خاصه جداً من نقش حنا وجزء من الشعر و تصوير لبسه عالجسم ومع انهم يعرفون بان هناك شباب يدخلون بأسامي نسائية!!!!
وماخفي كان اعظم
الله يستر علينا دنيا وآخره ،، وعسى الله لايبلينا
الحمد لله بخير ، وانتي شخبارج؟
ريلي رافض أني أسجل في الانستقرام
وهو عنده حساب لمجرد الفضول وما فيه الا اخوه أتوقع
لان عندي الباسوورد > كل باسوورداته عندي والعكس صحيح
يقول أنا إنسان نساي وبدونج أضيع خخخ > حسسني اني GPS ههه
وانا أقول كلن واستخدامه وضميره
ترى شي وايد طرق غير الانستقرام لضعاف النفوس
الله المستعان
الانستقرام وغيره من البرامج خربوا بيوت كثيرة
اغلب الشباب ما عاد عندهم غيرة ..
الله يهدينا ويهديهم