مرحبا
سمعت ان الايروبكس اذا ودرتيه تردين تمتنين صح هالكلام ؟؟
ابا اشترك ف نادي وربيعتي قالت لي مب زين اذا قطعتيه فتره بتردين على جسمج الاولي
بالعكس الغالية انا جربت الآيروبكس واااايد روعة وينظم الجسم ويرتبه وممكن تنزلين بالقياسات وتخلي جسمج حلو
هيه فديتج انا جربت ايروبكس تقريبا لمدة شهر صح نزلت 4 كيلو بس والله ما اقص عليج بعده ع طول ارتفعت بـــ بدبل
قبل وزني كان 75 خبروني البنات ان الايروبكس ينقص الوزن و بالفعل هاللي صار لكن بعدين لما ودرته عشان الكولج و الله ما اقص عليج وزني صار 86 و ع فكرة وزني مب ثابت يعني يوم اشوفه 86 و بعد كم من يوم اشوفه 83 كيلو..
هاي رياضه انتي تسوينها عشان تحافظين علي جسمج، اكيد اذا تتركينها جسمج ما بيتم منشد
لا حبيبتي هاالكلام غلط ف غلط..
الايروبكس عبارة عن رياضة وانتي تمارسينها اذا ودرتيها وزدتي الاكل اكييد بتمتنين
اما اذا ودرتيها واكلج خففتي منه ما بيزيد وزنج ,,
بس اهم شي انج اتخفين على عمرج وما تاكلين وايد
نور الهدى
عقب الايروبكس كنتي تقللين من الاكل ولا عادي اكلج
يمكن كنتي تزيدين من الاكل ؟؟!!
انا كنت العب ايروبيكس .. يخلي الجسم مشدود وحلوووو.. وشي طبيعي جدا جدا جدا اذا ودرتي الرياضة بتمنين قولي ليش؟؟؟ لانج تاكلين وما تحرقين الاكل عكس لما تلعبين .. لا تخافين من الرياضة ابدا .. وبعدين كل وحدة فينا لازم تخلي الرياضة شي اساسي وجزء من روتين حياتها شرات النوم والاكل والشغل .. والرياضة ترفع هرمون السعادة في الجسم بتخلي نفسيتج احلى وتحسين عمرج غير .. وانا اتكلم عن تجربة