بخصوص موضه الموسم
البلاك بيري
و الي ما تخلى أغلب الأيادي منه
هو جهاز رائع جدا للتواصل بين الصديقات و الأهل و تبادل الأدعية و التذكير برب العالمين و الأخبار الصحيحه
و الي خلاني أكتب هي هالقسم اليوم مب سالفة إني أمدح الجهاز أو أذمه
الي خلاني أكتب تصرفات بعض الحريم و البنات الي "كنت" ضايفتنهن عندي في اللسته
الحمد لله علاقتي مع الكل طيبه
و عمري ما غلطت على أي وحده
بس إذا حسيت إنه وحده عندي "لسانها طويل" و الله يغفر لي على هالكلمه في حقها
أو وحده اطرش مسجات جدا طفسة و أغلب الي عندهم بلاك بيري يعرفون بالضبط أنا عن شوه أرمس
أنبها بأدب و إذا ما استوعبت كلامي أمسحها من عندي على طول
من هذيل البنات
و بكل صراحه ما اتشرف بمعرفتهم و لا بتبادل المسجات معاهم
معقوووله هاي سوايا بنات و حريم
بذمتكن حلوة في حق كل وحده اطرش مسجات مب زينه و تضارب الي عندها عاللسته بس عشان تقول شوفوني أنا المميزة صاحبة المسجات
و لا أنا قوية العين أطرش و ما يهمني
حرام الي تسوونه في عمركن
إنتوا حريم
بنات
لازم تكونون مأدبات و راعيات ذوق و راقيات
للأسف شي من البنات الي ضفتهم من منتدانا و طلعوا جيه من هالصنف
الصنف الي ما يحاسب قبل لا يطرش شي مثل هذا
و الله فيه مسجات استحي أقراها من جرأتها و أستغرب كيف بنيه مطرشتنهم
بالذمة هاي سوالف اطرشونها؟!!
خافوا ربكم شوي
و الحمد لله الي عندي الحين مربيات و مأدبات و مسجاتهم حلوة و مب خادشه للحيا موووليه
الله يهدي البنات الي يستخدمون البلاك بيري فيما يغضب رب العالمين
والله يستر من الي ياي
و الوحده يوم تتظارب ويا ربعتها و تسوي برودكاست عسب الكل يعرف شو السالفة ..
و اللي تسوي برودكاست تكتب .. جب جب جب ..
و اللي تقول .. صدق ما تستحين ..
و اللي تكتب … سوالفها و يا ربيعتها ..
لازم .. عسب تقول حق الناس تراني موجوده ..
و اللي تتحرطم و تتحرطم و اخر شي تكتب …
و الكلام لج يا جارة …
بس فعلا الله يهديهم
والله يستر عليهم