البنات المتكبرات في الدوام الي يحيسن لسنهن إلى متى؟؟؟؟

السلام عليكم و رحمه الله و بركاته

بنات

لاحظت شي من زمان ….بعض البنات من دوامي و فيه غيرهم في اماكن ثانيه…..يتصرفن بتكبر و "خقه" واضحه اكثر عن الماضي…….

امثله ع التكبر الي لاحظته في دوامي مثلا :

كلمه عربي و الباقي انجلشششششش وعاد يحاولن يحيسن الرمسه يعني اونه يقلدن الاجانب
راسي والله يدور يوم يرمسني

مع اني درست مدرسه خاصه وانا صغيره يعني الانجليزي مالتي الحمدلله تمام بس ما اخق جيه ولا احاول اسوي هالحركات ؟؟؟؟؟ ليش ان شاءالله كل هذا؟؟؟؟؟؟ فهموني؟؟

وكيف يخقن ع بعض :
جدامي اشوف كل وحد تنافس الثانية سواء باللبس ولا بالكلام ولا بالاسلوب او من تخق ع الثانيه اكثر و هكذا @.@

يطالعني بإحتقار لمجرد اني متواضعه :
….هن كشخه ع سنقه عشره….وانا حليلي ساعات مالي بارض اكشخ البس كل شي ساده و لا احط شي ع ويهي غير مرطب

ساعات والله استحي احس شي ناقص فيني!

ويوم يمشن رافعات خشومهن و فاردات ظهورهن بشكل ملفت …..ما ادري اتضايق

وحده مثلا شافت عندي شي في المكتب قالت ويه لا تخافين ما بشله عننننننندي مثله ..مع اني ما فتحت حلجي بكلمه؟؟؟؟شو هالغباء

ومره شافتني استخدم برنامج تصميم واصمم شي عجبهم جان اتقول ويييييييه اعرف اصلا انا استخدم هالبرامج ……(بمعنى لا تفرحين وايد حتى احنا نعرف مافي شي مميز فيج)

احس هالشي مرض نفسي ……

لا حول ولا قوة الا بالله

تعديل:

بغيت اوضح شي

المقصد من الموضوع "التكبر المنتشر بين الشباب الملحوظ و خصوصا البنات "

والكل يعرف هالصفه مب من صفات المسلم و لا هي صفه زينه …

قال تعالى : ( وَلا تُصَعِّرْ خدَّكَ للنَّاس وَلا تَمْشِ في الأرْضِ مَرَحاً إنَّ الله لا يُحِبُّ كُلَّ مُخْتالٍ فَخُورٍ) لقمان : 18.

"من تواضع لله رفعه "

وفيه غيرها و غيرها من الايات والاحاديث الي يبين لنا فيها دينا انه هالصفه صفه شينه ….

كلنا نكشخ ،،،مافيها شي

كلنا نرمس انجليزي ،،،مافيها شي

كلنا نمشي بثقه ،،،،مافيها شي

بس الفرق ….ان هالفئة تسوي كل الي قلته فوق لكن "بتكبر" وااااااضح للاسف

كانهم هم اعلى من غيرهم ويحتقرون البقيه…..ليش عاد؟؟

الهدف من الموضوع مش اتخبروني شو اسوي ولا كيف اتصرف ……وانا ع فكره ممشيه حالي معاهم

بس الهدف الرئيسي من الموضوع هو مناقشه هالظاهرة و معرفه اسبابها

بعد ما انريد انشجع الناس ع هالصفه الشينه …..ولا شو رايكم؟؟

بتشـووفيـن وآايـد بس طـآاف فديــتج ^^
لـآاهنتي .. ))

الله يهدييج الحل عندج يعني ارووحج قلتيها مريضاات اذا تحبي تمرضين سوي شرااتهن ولا خلج مثل ماانتي طبيعية وكووني وااثقة من نفسج وسووووووي اكبر طاااااف تعرفيين شوو الطااف لووول لوماتعرفيه دقيلي وبخبرج عنه خبرة هاهاها بالتوفيق عزيزتي وماعليج من احد خلج مثل ماانتي هم اللي لازم يتغيروون موانتي

الله يهدي الجميع

ما اريد اقلدهم و احط راسي براسهم و اخق عليهم

لاني احس هالشي مرض نفسي وانا انسانه طبيعيه ومتواضعه و متفائله

ضحكتيني ههههههههههه ,الي اسوينه صح

اللَّهُمَّ اجْعَلْنا مِمَّنْ يُبَشَّرُ عِنْدَ الْمَوْتِ بِرَوْحٍ وَرَيْحانٍ، وَرَبٍّ رَاضٍِ غَيْرِ غَضْبانِ
اللهم اغفر لي و لوالدي و ارحمهما كما ربياني صغيرا

لـ الرفعَ ، الله يرفعَ قدرنا جميعاً