التكيس في المبايض, ريحوني بمعلوماتكمَ ,

ربي يوفقج أختي

والتكيس أختي استوى شي عادي وأغلب الحريم يمر عليهن في فترة من الفترات

ومثل ماقالت الدكتورة تراه يروح إلا في حالة وزنج زايد وما نزلتي

أو ما تمارسين الرياضـة ..

هالشيين وايد يأثرون في التكيس

تفاألي بالخير ومافيج إلا العافية

وبين الفترة والثانية حطي الخزامـة اذا مب عارفة الطريقة على الخاص ^^

وربي يتمم لج زواجج على خير

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

لازم ينزل وزنج .. انا شراتج و اخذ الأدوية مع الرياضة

بالتـــــــوفيق حـــــبوبة ^_^

:: للرفع :::: للرفع :::: للرفع ::
^
^
^

اختي قالت لج كيس؟؟ ولا تكيس؟؟؟
الكيس يكون حجمه فوق 3 سم ممكن يكون واحد او اكثر على المبيض
وممكن يوصل حجمه 8 او 10 سم او اكثر وفي هذي الحالة يشيلونة بجراحة عشان ماينفجر في البطن،، جد سار في امي وقالوا لها عملية ورفضت سارت كل مغرب تاخذ يوم المر والصبر ويوم المر والخيل شهر تقريباً واختفوا تماماً

التكيسات يكونن صغار اقل من 1.5 سم ويكون داخل المبيض ( بويضات صغيييرة غير ناضجة)
ممكن على مبيض او المبيضين
اذا كمن وحدة بسيطة ماتأثر وممكن يسير حمل عادي
ثاني يوم دورة سوي تحليل هرمونات خاصة هرمون الذكورة اذا مرتفع يفضل تاخذين حبوب Estelle 35D لمدة ثلاث شهور ورا بعض وعقب تسوين سونار اذا راحن التكيسات وتحليل هرمون الذكورة في المعدل توقفين الحبوب او تستمرين كم شهر بعد،، ممتاز،، صح انه مانع للحمل بس هو مضاد لهرمون الذكورة ويخفف الشعرانية والحبوب اذا موجودة ويعالج التكيسات وهو احسن من حبوب Dian35 وعادي تاخذه البنت
اتمنى اكون افدتج

توني ادري ان التكيس له علاقة في الوزن =(
مشكورة فديتج حطيتي مشكلتج لاني نفس الشي ابا اعرف شو هالتكيس
ياليت الاخوات مايبخلن علينا والله يعطيكن العافية

اختي حبيت بعد اقولج ابتعدي عن النشويات اللي فيها جلوتين مثل القمح (الخبز والمعجنات والكيك والبسكويت…) والشعير والشوفان
وعادي تاكلين من النشويات الارز والذرة
كثري من شرب الماي