التكيس و الكلوكوفاج

مرحبا أخواتي
اللي منكم عانت من التكيس و استخدمت الكلوكوفاج
شو الأعراض اللي حسيتي فيها؟؟
وهل تنصحيني بالاستمرار في استخدام هذا الدواء ؟؟
لأنه يسبب لي ألم في المعدة + إسهال + غثيان

أنا في انتظار الردود ويزاكم الله خير

الغالية انا كنت اعاني من التكيسات ونصحني الدكتور اخذ هالدواء وهالكلام من سنتين

بس اللحين سويت عملية ازالة التكيسات وارتحت

وانشالله البنات راح يفيدونج

الغالية افحصي السكر عندج. لأنه مكتوب في الورقه اللي اتيي مع الدوا اللي عنده خلل في مستويات السكر ممكن اييه اسهال.. والكلوجوفاج استمري عليه 6 شهور وشوفي النتيجة.

مرحبا الغالية انا اعاني من نفس الموضوع من 6 سنوات وسويت 3 عمليات يس بعد يرجعون ولين الحين موجودات بس مثل ما خبرتني الدكتوره ان علاج التكيس الزواج وتغير الهرمونات اللة يشفيج ويشفي المسلمين اجمعين من جميع الامرض

حبيبتي انا فيني تكيس واستخدمت جلوكوفاج و بصراحه ما فادني وانصحج انج ما تشلين التكيسات لانها بترجع مره ثانيه شوفي حبيبتي قبل ما تبدين العلاج اللي هو اخذ الابر المنشطه و الكلوميد انصحج انج اسوين حجامه انا متزوجه من 4 سنوات وكم من مره سويت الكورس ما يصير حمل ويوم سويت الحجامه وعقبها بديت كورس العلاج الحمدلله على طووووووووووووول حملت والحين انا فالتاسع وانا قصة علاجي احاول اني انشرها في كل المنتديات عشان يستفيدن منها خواتي اللي بعدهن ما حملن لان الحجامه اوصى بها الرسول صلى الله عليه و سلم ولا تنسين قيام الليل وقراءة سورة البقره و شرب ماي زمزم واتمنى لج التوفيق

مشكورات خواتي على الرد .. والدكتورة بعد نصحتني بتخفيض الوزن و الريجيم مع إني ما زدت إلا 10 كيلو عقب الولادة وتقريبا جسمي مثل ما هو
بالنسبة للاخت اللي سوت الحجامة .. وين سويتيها ؟؟ ردي علي فديتج لا تبطين

سويتها في مركز الحكمه في العين والله يوفقج