السلام عليكم
حبيباتي بغيت استفسر عن التلقيح المجهري بمستشفى توام
شو الدكاتره هناك؟ ومنو احسن دكتورة
وبخصوص التلقيح هل هو مؤلم ؟ وايد اسئله بس ماعارفه كيف اصيغها
بليز الي عندها اي معلومه عن النلقيح ومستشفى توام لا تبخل علي …. وجزاكم ربي خير
ابــــــــــــــــــــــــــــــ
أظن المسؤوله هناك اسمها فتحيه… لازم تروحيلهم يسوولج فحوصات وبيعطونج ادويه منها ابر لازم تاخذينها بالمواعيد بالضبط… بعدين بيخبرونج في أي يوم من الدوره تينهم… ولازم زوجج وياج… بيخدرونج وبيطلعون البويضات فانتي ممكن تحسين بشي بسيط.. وبياخذون عينه من زوجج.. بعد كم يوم بيتصلون فيج للإرجاع.. والإرجاع بدون بنج وسريع بس ياخذ عشر دقايق… وبعدين ينصحون بالراحه وبيتابعون حالتج…
أنا الصراحه ما جربت لكني ناويه انشاءالله عشان جي المعلومات عندي…
للرفع ان شاء البنات يفيدونج
ممكن معلومات اكثر
التلقيح المجهري ليش يسونه.. ؟؟ السبب يكون من الحرمه ولا الريال
المشاركة الأصلية كتبت بواسطة الحب الاول 
ممكن معلومات اكثر
التلقيح المجهري ليش يسونه.. ؟؟ السبب يكون من الحرمه ولا الريال
يسونه لللي عندهم صعوبه في الانجاب او مشاكل في تاخر الانجاب
سواء من الحرمه او من الريال يتسوا اذا في مشكله في اي واحد منهم
ابــــــــــــــــــ