الثقه والحب والراحه والطئنينه

خواتي العزيزات والله من كثر مااسمع واقرى بخاطري اصيح والله من الكلام الي تكتبونه حرام عليكم والله ماتسوى ترى الحياه الحمدالله بخير والله انها بخير بس لو تودرون عنكم هالتفكير والخرابيط والله راح اتعيش كل وحده فينا وكل واحد مرتاح ومطمنئن

كل ماادخل اقرى الي تطلقت والا عرس عليها والا خانها والي تخون ريلها شو هالحياه يابوي والله الدنيا بخير خافوا الله اتقوا ربكم والله ماتسوى عليكم

حبايبي الي تقرى عن المشاكل والشك اتودر عنها ان ريلها شرات فلان وفلان يمكن ريلي ويمكن ريلي والي تقرى موضوع حلو تقول راح اطبقه

حبايبي مب كل شيء يتطبق ع الريال اذا فتحتوا عقولكم وتفكيركم راح ترتاحون احضروا محاضرات والي ماتقدر تقدرون تشترون لكم كتب وشيء أشرطه اثقفوا فيها اسمعوها وخلوا إريايلكم يسمعونها وياكم وعقب اتناقشوا بالموضوع صدقوني راح تنعمون بالسعاده والراحه صدقوني راح تستانسون

ترى الريال شرات البيبي يبغي حد يدلعه يراعيه يخاف عليه يهتم به يحاتيه بس مب وايد طبعا ترى كل شيء يزيد عن حده ينقلب ضده والريال مايحب الرحمه الحنانه وايد ترى صدق والله تعور الراس اكيد عقب راح يدور غيرها

حبايبي الريال والحرمه ليش يعرسون علشان يبون العيال طبعا بتقولون هيه وانا وياكم بعد بقول هيه أكيد العيال مب هذا اهم شيء الريال والحرمه يوم يعرسون يدورن الراحه الحب الرعايه بتقولون نحن محصلين كل هذا فبيت اهالينا وانا بقول وياكم بس نحن الجنس الناعم نبا اهتمام وحب اكثر وخاصه الي مفتقدين هالشيء من بيت اهاليهم الريال اذا راعيته وماقصرتي عليه بشيء صدقوني ماارح يخون حرمته ولا راح يطلقهاولا راح يفكر بلي تفكرون به

حبايبي كثروا من الصلاه النوافل والاستغفار والدعاء لكم وريايلكم صدقوني ربكم ماينسى عباده ودروا عنكم الشك والخوف ربكم ترى الحياه زواله ماتدرون انتوا اليوم اهنيه باجر ماتدرون وين راح تكونوا كل وحده تحاول تغير من حياته تخاف ع ريلها وبيتها وعيالها والله الريال طيب وايد طيب بس لو تفهمونه شوي بس مب وايد راح تقولون صدق نحن ظلمناهم

انا حضرت محاضرة وجانت بعنوان الحياه الزوجيه السعيده وجانت بقمه الروعه والله جان المحاضر يرمس عن الفرق بين الحرمه والريال وقسم جسم الانسان نصفين نصف انثى والنصف الثاني ذكر جان يرمس الفرق بين الاثنين مثلا السمع الحرمه تحب حد يسمعها ويفهمها والريال نفس الشيء عدنا الحلج تدرون الحرمه فاليوم جم كلمه تتكلم 16الف كلمه وحليله الريال 5000كلمه بس فاليوم جان يقول حق الشباب اسمعوا حريمكم علشان مايطلعون سوالف البيت برع الحرمه عندها كلام وايب فلازم حد يسمعها وتفضفض له والايد الريال بس يعرف يسوي شيء واحد اما لحرمه تكوي وتتكلم بالفون وتطالع تلفزيون هذا الفرق من بينهم والريل الريال مايحب السوق اما الحرمه تحب السوق وقال انه الحرمه ليش تروح السوق اصلا الحرمه ماتطلع الا اذا نقصها شيء لها او لعيالها او لبيتها اما الريال الي مايطلع حرمته هذي الحرمه الي تدور حجج وتقول ابغي اروح السوق فمن من ناحيه الطلعه اذا ماطلعج قولي له انا اليوم عازمتنك مب شرط تكون في مناسبه مثلا كل شهر عزميه او كل اسبوع بس لازم يكون فاضي ماتين جي وتقولين له تعال اليوم انا عازمتنك يعني كل وحده بسلوبها والله جانت بقمه الروعه المحاضره قال كلام وايد وايد

حبايبي آخر نصيحه لي وياكم الي تقرى المواضيع الي تيب الهم لا تفكرون بها اقروها بس ماتقولون اكيد واكيد واكيد اقروا بس اخذوا الشيء الايجابي وخلوا السلبي وافهموا الحياه ترى والله الحياه حلوه
لاتفكرون بالطلاق والله الحياه صعبه بالنسبه للمطلقه والله صعبه منو راح يفكر فيها الريال مايعيبه عيب الحرمه الي يعبها الناس راح يلومونها بس طبعا كل وحده واسبابها اذا بتتطلق بس الطلاق شين شين ياخواتي العزيزات فكروا بالراحه والحب والسعاده والطمئنينه

واخيرا اقول ربي يسعد كل وحده مع ريلها ويرزقكم بالذريه الصالحه ربي يحفظ شبابنا وحريمنا من كل شر ويبعد عن كل زوجين الحساد والعذال ربي يحفظ بيوت المسلمين من كل شر يا رب العالمين ويحفظنا من كل مشاكل ويفك كربه كل وحده وكل واحد يارب ربي يحفظكم يارب

إسمحولي ع الاطاله بس صدج انغث من اسمع هالمشاكل الي اتصير