شحالكم يا طبيخات المنتدى
راح ندخل ع الموضوع على طول بدون مقدمات
يالله بسم الله نبدا
انا ما صورت المقادير واللي هيه عباره عن
طحين رقم (1)
ملح
ماء سااااااااااخن (يثور )
الطريقة
نعجن المقادير كلها عدل مب شوي
بما انه الماي ساخن جدا فمنعجنها بالملعقة وبعدها نعجنها بالايد
واللي عندها عجانه ما في داعي اتعب عمرها العجانه تتكفل بكلشي
وهذا شكلها بعد العجن طريه شوي ونخليها ترتاح ساعه ع الاقل
وهنيه فردتها ارشها بالطحين كل ما لصقت بالطاوله لكن لا ترشونها وايد بالطحين حتى تكون طريه وقت الاكل
قطعت حوافها بقطاعة البتزا لتكون حوافها مومتعرجه
وهذه شكلها
وحطيتها ع الطوبي الحار
وجلبتها ع الصوب الثاني مث ل ما تجوفون في الصوره
وهذه الخبز بعد ما خلصته كله
وهذا عشانا خبز جباتي مع صالونة خضره
وهذه بنت اختي واخوي هاجمين ع العشا يعله بالهني انشاءالله
الله يعطيج العافيه
روعه روعه شكله
ياربي ..
عاد الرجيم الرجيم =(
و ع فكره .. حلوه الحنه عجبتني ..
ما شاءالله
و الصالونه بعد دخلت خاطري ههههههههههههه
<—- ما في شي ما دخل خاطرها