الجراحه بعد الولاده الطبيعية؟؟؟

السلام عليكم ورحمة الله وبركاته

بغيت أسألكم يا بنات للي ربت وعندها خبرة كيف تهتمين بالخياطة بعد الولادة يعني شو تستخدمين عشان اتخفين الألم وتطيح الخياطة بسرعه ؟؟؟

لأني بربي قريب وخايفه من آلام الجراحه وهذه دايماً مشكلتي بعد الولاده الطبيعية لازم الجراحه اتعورني واتم وياي لين أخلص الأربعين والله تعب وعذاب

وإذا ممكن اتخبرونا اسم كريم أو بخاخ يساعد فحل هذه المشكلة

وسلامتكم

عليج بالملح و الماي الدافي يوميا ربع ساعة لمدة عشر ايام بعدين حطي عليها برمنجنات(الدوا الازرق) وااااااااايد زين انا دوم اسوي جي و هذا الحمل الثالث لي وبتدعيلي

لا تقعدين في ماي وملح الدكتوره منعتني قالتلي انها تفج الخيوط..كنت احط كريم ميبو و مطعر البيتادين و آخذ حبوب بس للاسف ماعرف شو اسمها و بعد ما كملت 10 من الخياطه خلتني اوقف كل شي..و آخذ مطهر بيتادين بس الرشاش

ليش الماي والملح واايد زين الكل يمدحه

بس ماتحطين واايد ملح عشان ماتجف المنطقه وينشد الخيط

صح الماي والملح وااايد زين وتنشفين المنطقه زين بس أنا كنت كل ما أروح الحماام أستخدم بخاااخ طبي العملياات الجرااحيه صحيح إنه حاار بس روووعه للمنطقه ولا فطرياات ولا إلتهاابات إييج منه لونين أزرق وبرتقالي والأزرق أحسن سيفول إسمه على مااا أعتقد بس يلسي في مااي وشوي ديتول للعناية الشخصيه مع بعض وإدعيلي

عزيزتي الزعتر واايد زين تنقعي فيه .. ابحثي في قوقل بتحصلين واايد من هالسوالف ..

وتقدرين تاخذين اشياء طبيه .. تسألين دكتورتج .. لان الدكتوره ماريان عطت بنت عمي في الاربعين

اشياء تيلس عليهم فيي الماي الداافي تقول وااايد ريحها ..

اطلبي من الدكتورة ما تعمل قص وقت الولادة…
اذا انجرحت طبيعي وعملولج خياطه بيكون الشفاء اسرع…
طبعا الجراحه اللي دايما يستخدمونها حق كل مربي مب لازم اتكون الزامية… الخيار لج..
انتي ادرى بنفسج وبجسمج وشو تحتاجين… ترى في كل الحالتين في مجازفة…
بس انا قريت في كتاب عن (ممرضه/ ام) ان هالإجراء فقط يسرع عملية الولادة عشان يخلصون الدكاترة…
اذا فيه خراب للمهبل مثل ما يتقاولونه الناس.. اذا ليش ما يقصون اول المهبل؟؟