الجزء الثاني من قصة ولادتي بس الاكثر رعبا

اخواتي بعد ما نزلت موضوع قصة ولادتي بساعه دخلت الممرضة قالتلي اجهزي خمس دقايق و بندخلك الولاده قلتها عطيني فرصه اصلي خلصت وطرشت مسج لهلي و ريلي و رحت مع الممرضةبعدها دخلو اهلي وريلي و خذت ابره الظهر بنج موضعي لان بتفتح ماي الراس دخلت القابله و حاولت تفتح الماي قالت مافي ماي قلتلها انا من امس نزل على ماي و دم مع شي لزج ابيض (سائل مخاطي) قالت الممرضات مو ذاكرين شي طبعا لانهم حسبي الله عليهم اقولهم نزل ماي يقولولي يمكن بول (عزكم الله )قهروني كني هبله حتى لو بكريه اعرف البول من غيره ، طبعا بسرعه طلبت يعطوني ابره لان الماي نازل بعدها قالت للممرضه تعطيني طلق صناعي وقالت بعد 4 ساعات بنشوف لو فتح بس مانفع كل ما تعطيني طلق ينخفض نبض الجنين فتقولها وقفي ساعه عقب عطيها طلق وتكرر نفس القصه اختي خافت فقالت للقابله النبض ينزل كل مره لو نزل اكثر بتلحقون ادخلوها عمليات ردت بوقاحه ان هذا شغلها وما يخصنا ، بعدها راح ريلي وامي و خواتي كلهم يحاولون معاها تسويلي عمليه وانا صاحيه لان بنج نصفي وهي مصره لا و نبض الجنين يرد ينخفض حتى الممرضة كانت مقهوره وتقول ما يستوي بس ما اقدر اقول شي ، بعدها حسبي الله عليهم وقف نبض الولد وتجمعوا كل الدكاتره ودخلوني عمليات ، ودخل دكتور التخدير لان تغير الشيفت وراحت اللي عطتني نصفي و عصب على الدكتوره اللي بتسوي العمليه ( غير هذيك القابله النحيسه كانت عراقيه اسمها نبراس احذروها )الدكتوره كانت باكستانيه متحجبه ما اعرف اسمها وقالها دكتور التخدير ما يقدر يعطيني نصفي بعدمره للعمليه (احتاج زياده ) لان يباله 20 دقيقه ياخذ مفعوله مضطر اعطيها كامل وكان معصب لان دخلوني على اخر لحظه دقايق معاها اطلع الولد او خلاص طبعا ذكرت الشهادتين وتوكلت على ربي واستودعته نفسي وجنيني و الحمد لله طلع ولدي بالسلامه من فضل ربي رغم كل اللي مر فيه و المشكله طلعت ان الحبل منلف على ريوله يعني كل هالعذاب على الفاضي مستحيل كان ينزل مع كل التحاميل والبلاوي اللي سوها ، بس كان ببساطه ممكن يبين لو صوروا كانوا عرفوا ان الحبل منلف وسوا العملية وريحوني شو بقول حسبي الله ونعم الوكيل حتى العمليه مقصوصه غلط من السرعه
المهم الحمدلله دائما وابدا و طلع هالبيبي بس حجمه وااايد صغير اخاف اشله حتى وما شي يجي قياسه لامن كل اللي شريتله حتى قياس الخدج و التايني

حمدلله ع سلامتج اختي وسلامت البيبي

الحمدلله على سلامتج وسلامت البيبي وأن شاء الله يتربى بعزكم ويكبر ..
وبصرااااحة قصص الدكاترة العراقية ما تخلص انا مريت بعذاب بولدي بسبب الدكتورة العراقية ؟؟
الله يكون بعون كل حامل ..

الف الحمدلله على سلامتك و سلامة المولود وان شالله بتشوفيه احلى عريس ..
بس ما خبرتيني وين ولدتي ؟ وما فمهت ليش اعطوكي بنج كامل مع انك ماخدة نصفي !!

سبحان الله نفس الي مرين به
كانج تتكلمين عنيه أنا بالتفصيل الممل
ياختي الحمدلله ع سلامتج

حمد الله على سلامتج ،،،
بس عندي سؤال أختي انتي في أي مستشفى ولدتي

الحمدلله على سلامتكم