شحـآلكم بنـآت ان شـآءالله منـآآآآح ..!؟
..
بدخل في صلب الموضوع على طول خ خ خ
..
الله يسلمكم انا طالبه في الثانويه العـآمه > آخر سنه و بفتككك ههـ
..
طططبعـآ الكل يفكر في هالمرحله وين يبـآ يروح | جامعه ولا تقنيه !!
وانـآ وحده منهم
..
انـآ ان شـآء الله اذا الله راد ابا ادخل الجـآمعه وادرس موارد بشريه
..
يعني الي عندهـآ فكره عن هالتخصص تخبرني بليييز
..
وشو هي الوظـآئف المتاحه لهالتخصص ؟
..
وهل في التقنيه يدرسونه ولا بس في الجامعـآت ؟
..
وشو هي التخصصات الموجوده في الجامعات لطلاب الأدبي ؟ >> انتي خلصي ثانويه بالأول ههـ
..
وأصلا شو الفرق بين الكلية والجامعات ؟!
الله يخليكم بغيت أجوبه على هالأسئله ضروري
..
وفمـآن الله ^^
و ممكن تدخلين مواقع الجامعات بتوفر لج جميع المواد و تفاصيل عن الجامعه.
و ان شاء الله بعد البنات يفيدونج.
ويآآآآآج طالبة من جامعة الإمارات سنة ثانية
بخصوص أسئلتج ترا الفرق وآآآآآآآآآآآآآآآآآآآآآآيد كبير بين الجامعة والتقنية
لكل وحدة فيهن قوانين خاصة ومواد غير وتخصصات في منها مشتركة وفي منها لا واستايل الدوآآآآم
مووووووووووووووووووووووووووووول غير بعضهم البعض
وعن تخصص الموارد البشرية هالتخصص موجود عندنا في جامعة الإمارات أما في التقنية فما أدري ..
وعن التخصصات لطالبات الأدبي شراتي وشراتج هم بالمختصر
تربية ( رياض أطفال , معلمة انجليزي , معلمة لغة عربية , رياضيات وعلوم )
علوم انسانية واجتماعية ( ترجمة , أدب انجليزي , لغويات تطبيقية , تاريخ وآثار , علم النفس , فلسفة , سياحة , اتصال جماهيري , قيادة ومجتمع , علوم سياسية وووو .. )
الإدارة والإقتصاد ( التسويق , المحاسبة , نظم المعلومات , الإقتصاد , الموارد البشرية وووو ألخ )
القانون ( محاماة , دراسات اسلامية )
ترا هآآآاييلا فجامعة الإمارات أما التقنية فاللي تعرف تخبرها ..
والسموووووحة فديتج …
و انا تخصصي موارد بشرية بس اني ادرس بالرياض
و مجالات عملة كثيرة فالوزارات و الشركات و البنوك بالضبط كل مكان يحتاج موارد بشرية
لانه هو الرابط بين الشركة او العمل و الموظف عرفتي
و بالتوفيق حبيبتي
وانـآ وحده منهم ..
– اذا ترومين تصبرين عندج الجامعه (جامعه زايد) تخلصين فاونديشن وعقب سنه ونص جنرال وعقب سنتين تخصص < محد يعرف مصيره ف هالسنوات كلها 
..
انـآ ان شـآء الله اذا الله راد ابا ادخل الجـآمعه وادرس موارد بشريه
..
يعني الي عندهـآ فكره عن هالتخصص تخبرني بليييز
– حلوه دراسه الموارد البشريه بس زادت هالفتره وما يبونها ف سوق العمل وخاصه انه الشهاده عامه يعني مب متخصصه ف شي معين غير مثلا يوم تختارين بزنس تخصص (اكاونتنق) مطلوب وبقوه في مجال العمل وغير عن هالشي تخصصج مب بزنس عام وانما اكاونتنق
..
وشو هي الوظـآئف المتاحه لهالتخصص ؟
– الحينه تقريبا ماشي شواغر ف الوظايف الحكوميه، الناس تتخرج وعادي جدا تتوظف عقب سنه ولا سنتين او اتم تتريا 
الا اذا بتشتغلين فالقطاع الخاص
..
وهل في التقنيه يدرسونه ولا بس في الجامعـآت ؟
– يدرسون ف التقنيه وفالجامعات
..
وشو هي التخصصات الموجوده في الجامعات لطلاب الأدبي ؟ >> انتي خلصي ثانويه بالأول ههـ
– حبيبتي ف الجامعه ماشي فرق بين ادبي وعلمي (العلمي تتخرج بنسبه 70٪ والادبي 90٪) وتحصلين الاثنين ف نفس الجامعه ونفس التخصص 
> ف المدرسه هالتفرقه ولا الجامعه ما يسألونج عن نسبتج بعد بس لازم تشدين حيلج لا تاخذينها حجه 
..
وأصلا شو الفرق بين الكلية والجامعات ؟!
– الجامعه الله يسلمج زياده سنوات وتطلعين ببكالريوس. (فاونديشن ع حسب اللفل وعندهم من لفل 3 اعتقد لين 8، وكل لفل ٣ شهور + جنرال سنه ونص + تخصص سنتين)
– الكليه 4 سنوات وتطلعين ببكالريوس. (فاونديشن عندهم 4 لفلات وتحسبين سنوات الدراسه من اللفل اللي يحطونج فيه وعقب تخصص ما عندهم جنرال)
من ناحيه الدوام جامعه زايد عندهم من جنرال 2 تقدرين تسوين جدولج بروحج اما الكليه بروحهم يسوون جدولج، البنات (بنات الجامعه تتقبلينهم نوعا اما اما بنات الكليه والعياذ بالله وهاي من احد اسباب عدم تقبلي للكليه لاني اهتم بالبيئه بدرجه اولى + الدراسه)
ان شاء الله البنات يفيدونج اكثر والله يوفقج وييسر امورج ^^
وتخصص HR موجود في الكليه 4 سنوات تتخرجين بالباجلر والفاونديشن 4 لفلات يدخلونج على حسب مستواج
وبخصوص البيئه انتي ما عليج من إلي حواليج اهتمي بدراستج وبـ إلي بيدرسونج في كل مكان ممكن تشوفين اشياء ما تتقبلينها سواء في الكليه او في الجامعه او اي مكان ثانيه
وفي الكليه ما في تفرقه بين الادبي والعلمي كلاسنا نصه بنات ادبي والنص الثاني علمي
ينظرون لهم إذا كنتي بتدخلين تخصص علمي مثل طب او هندسه او اي تخصص علمي
المجال جدامج مفتوح والكليات والجامعات يسوون اليوم التعريفي وتقدرين تدخلين المواقع وتشوفين
وقبل كل شي استخيري
موفقه 