والتوجيه الاسري نفس الشي؟ وكم جلسة؟ والفترة بين جلسة وجلسة وصباحية والا مسائية والمطلقات الي يشتغلن كيف كنتن توافقن بين الدوام وطلعات الجلسات؟
وجلسات المحكمة صباحية او مسائية؟
اذا من اول جلسه رجعت ل زوجها خلاص ما يسوون جلسات عقبها ..
في ناس من اول جلسه او جلستين ينتهي كل شي و في ناس 4 جلسات
لان المصلح ف الجلسات يحاول يراضي الطرفين ويحاول يرجعهم ل بعض
بس لو هي ما تبا ترجع له يعني مثلا لاني ماعرف ظروف ربيعتج .. بس لو ماتبا ريلها خليها تتمسك بقرارها ف كل الجلسات و يكون كلامها واحد انها خلاص ماتبيه
الملصح الاسري طبعا بيحاول وياهاا و بقول لها ان الطلاق يخرب بيوت و الشيطان يلعب بمخها ووووالخ
بس ترد عليه ب رد طيب و انها خلاص عافت زوجها وماتبيه
و الجلسات تكون صباحية
الفترة اسبوعين بين كل جلستين وبعض المرات شهر
الجلسات صباحية و عن نفسي كنت اخبر المسؤولة عنا قبل يومين واطلع عادي الجلسات
قولي لربيعتج و لو مقتنعة تحاول تثبت ع رايها عسب ما يماطل ريلها وتكثر الجلسات
والله يهدي النفوس ويبعد الشيطان عنهم ويهديهم وما يصير الطلاق
القاضي فاول جلسة بحاول يصلح الطرفين ,, اذا الطرفين ما اصطلحوا يطلق فالجلسه اللي عقبها
بس ع حسب وضع ربيعتج و طبيعة زوجها ^^
و ع حسب طلبات ربيعتج هل هي طالبه نفقه لها و للاطفال او طالبه بيت او خدامه الخ….
و ع حسب الزوج لو موافق او لا
و كل واحد يقدم الاثبات اللي عنده
و عقب القاضي يحجز الجلسة للحكم و يحكم سواء لصالح الحرمة او الريال
و عقب شهر من الحكم تقدر تنفذ الحكم اذا ريلها ما سوا استئناف
اذا سوا الجلسات بتكون كل شهر><
تقريبا 4 جلسات و بخلصوا