اول مرة احط موضوع بهذه القسم واتمنى انكم ماتردوني واتطنشون
في سؤال دايما يدور في بالي
ليش الزوج يحط في خاطرة اذا جاف زوجته لما يوصل البيت قاعد في غرفتها وموب قاعده في الصاله مع اهلة " انا هني يا حلوين اقصد الزوج اللي ساكن مع اهله طبعا"
انا عن نفسي اقعد معاهم اغلب الوقت ولما قريب زوجي ايي ادخل غرفتي عشان استقبله واسأله على راحتي شو يريد واذا يريد ياكل او اي شي ثاني
بس يحط في خاطرة وما يقول الا اذا زعل او شي يقول انتي كله تقعدين بروحج
مع اني يوميا اقوله مواقف سارتلي مع اهلة "مواقف الزينة بس " عشان يعرف اني اقعد معاهم
واقوله اذا سألني شو كنتي تسوين وانا برع اقوله اني كنت طول الوقت قاعده برع وتوني دخلت الغرفة
دايما افهمه بس ما يقتنع
وانا موب من النوع اللي طول الوقت قاعده في غرفتها ولما قريب ايي ريلي اطلع الصالة عشان اونه ابين لزوجي اني اقعد مع اهلة ..لا ما احب هذي الحركات
انتو شو اتسوون؟كل وحده تخبرنا
والحمدلله انه يفضفض يعني يباج تفهمييين
لما يوصل استقبليه فالصالة مش فحجرتج و
دشوا الغرفة رباعه وأذا هو فالغرفة اتعمدي تظهرين
وتسوين عمرج عند هله حتى لو اتصل بعد اتاخري عندهم
حسسيه انج تستانسين عليهم (هاذا فقط فحالة اذا اهله زينين معاج)المهم دوري رضاه بأي طريقه اوكيه
الله يوفقج حبيبتي
المشاركة الأصلية كتبت بواسطة ام خالد وخلود 
زين مرتاحة والله كنتي منهم
والحين اريح في بيت بروحج
وعقبالي
:
الله يعينج ..
المشاركة الأصلية كتبت بواسطة daray.ma6afi والحمدلله انه يفضفض يعني يباج تفهمييين
لما يوصل استقبليه فالصالة مش فحجرتج و
دشوا الغرفة رباعه وأذا هو فالغرفة اتعمدي تظهرين
وتسوين عمرج عند هله حتى لو اتصل بعد اتاخري عندهم
حسسيه انج تستانسين عليهم (هاذا فقط فحالة اذا اهله زينين معاج)المهم دوري رضاه بأي طريقه اوكيه
الله يوفقج حبيبتي
احاول بس مرات يصادف اني توني دخلت الغرفة او يكون مافي حد في الصالة لما اطلع وارد ادخل الغرفة وهم عقب يصادف انهم يطلعون