الجمعيات التعاونية مستمرة و مصرة على بيع المنتجات الدنماركية!

حبايبي امسات سرت جمعية الاتحاد و شفت رفووووووووووف

من الاجبان و المنتجات الدنماركية

صورت المنتجات بالموبايل بس ما اقدر احول على النت

و لا يفوتكم كلهم عليهم عروض مثل اشتر 2 و احصل على واحد مجاناوووو

بصراحة حسيت باهانة و شلت كمن غرشة و سرت لواحد (بدون ذكر الاسم)

قلت له ابغي اكلم المدير

قال خير اختي؟

قلت مب فضيحة و عااار انكم انتوا اللي نحن كننا نفتخر فيكم (مسكة باليس !)

تعرضون البضائع الدنماركية؟ عيل شو خليتوا للكفار؟؟؟؟

قلت له والله العظيم و انا شالة الغراش و منحرجة عن الناس يفكرون

بشتريهم بس الله اعلم بنيتي و قلت له..

انتوا بتطيحون من اعين الناس بهالتصرف اللاخلاقي ..

الا يقول والله العظيم اختي ان نحن معارضين و انتي خامس وحدة

تيني اليوم عسب نفس السالفة و لكن الادارة مصرة على البيع

(( ادارة الجمعية ))

و يا ما ناس يطرشون لنا ايميلات و يا ما يكلموننا بس في الاخير

نحن موظفين و هم اصحاب القرار و اعطوني رقم الادارة عسب اكلمهم

والله العظيم شو اقول؟ اقول نقاطع الجمعيات؟ اقول ندعي عليهم ؟

شو اقول و نحن محتاجين و هم يعرفون هالشئ

بس فكرت لو كل وحدة و هي مارة ترمسهم يمكن يتغيرون

يعني اتوقعنا من كل حد الا الجمعيات التعاونية اللي هم غير متعاونات

و ربحهم الدنيوي فوق كل شئ و لو تلاحظون مغلين اسعارهم بشكل فضيع

يقولون مرخصين سعر البيض؟ ب 14-95؟؟

صدقوني اخواتي قبل اسبوعين شريت من عندهم يعني قبل القرار

البيض الكبير ب 16-95

و الحين بعد كل دعاياتهم في الجرايد و الاذاعة و يقولون مرخصين ووووو

يبيعون البيض الصغير ب 14-95 !!!! و مب الكبير

يعني انا كمستهلك افيد لي اخذ الكبير ب 16-95 قبل قرار الخفض

من اخذ الصغير بدرهمين ارخص او شو رايكم؟

ما تحسون انه غش؟؟؟؟

و سوبرماركت اللي عند بيتنا يبيع الكبير (حجم البيض) ب 16-95 !!!

ادري لا انا و لا انتوا بتقدرون تقاطعون الجمعيات و لكن خلوننا نقلل

مشترياتنا منهم و ما نشتري اللي يمكن نحتاجه مثل قبل ..

بس الاغراض الضرورية لا غير

صدقوني بيخسرون لو كل واحد يتبع هالشئ و ممكن الاشياء اليومية

ناخذهم من الدكاكين و مثلا سبينس و غيرهم

لان اصلا الاسعار مقاربة بين السوبرماركتات و الجمعيات

هذيلة يستاهلون يخسرون ..دام انهم ما يحترمون دينهم

دام ان المسلمين ما يحترمون شو نتوقع من الكفار؟؟؟؟؟؟؟؟؟؟؟؟؟؟؟