شحالكن سيدات الامارات عسااااااااااااااااكن بخير وسهالة
المهم خواتي انا من شهر سكنت بيت يديد ( فيلا ) وكل اليران طبعاً مااااااااااااااااعرفهم وخاطري اتعرف عليهم بسسسسس ماعرف شلون !!
انا ليش قلت فيلا لان لو شقة عادي ممكن نتجابل باللفت ونسلم ع بعض ومن جي نتعرف ع بعضنا بس الفيلا صعبة وايد هب عارفة شلون اتعرف عليهم وانا خاطري بصراحة عشان عيالي اكثر شي اما انا مب اجتماعية وايد بس حلو ان الواحد يتعرف ع ييرانة وتكون بينهم زيارات حتى لو بالمناسبات المهم يترعف عليهم ! ريلي ماشاءالله تعرف ع بعضهم من المسيد بس انا مب عارفة اي منفذ اقدر من خلال ادخل منة لهم لوووووول
المهم خواتي خبروني شقااااااااااااااايل تعرفتو ع ييرانكم ؟؟ عطوني افكار فديتكن
هيه للمشرفات تراني ماعرفت وين احط موضوعي قمت نزلتة فهالقسم اذا شفتو ان مب مجانة انقلوووووووووووة وين مابغيتو 
فيه طرق حلوة للتعرف ع الييراان 00ممممم سوي كيكه وطرشيهاا أو اي أكله حلوة ^^
في رمضاان الي طااف يتناا ياارتناااا ع الفطور ^_*
مع اننااا ما نعرفهاا لكن تعرفناا عليهااا وحسيناهاا وحدة مناااا وقريبه عليناااا
انتي باادري فديتج سيري وزوريهن وما فيهاا شي صدقيني
والنبي وصى ع ساابع جاار 00والجاار قبل الداار <<< الست الحكيمه خخخخ
موفقه حبوبة
المفروض دام انج متحوله عقبهم هم اللي لازم يوجبون فيج ويطرشولج عالاقل حلاوه البيت انا اذكر اول ما تحولت يارتي الله يذكرها بالخير طرشتلي سله فواكه وكيكه اما الباقيين طااااف فدخل علينا رمضان فقمت اطرش حق يراني اللي على يساري واللي على يميني الاولى اللي وجبت فيني قامت اتطرش بعد هي اما الثانيين بعد طاف فسكت ما قلت شي مع انهم يعرفون اهل ريلي من بعيد وبعد ما سويت العزيمه في بيتي ما عزمتهم الصراحه لاني حسيت انهم ما يبون اي علاقه معاي وبعد العزيمه قالوا حق خال ريلي اني ما عزمتهم وهم في خاطرهم انهم يزوروني ياسلاااام يعني الحين تبون ما سويتلهم سالفه ولا شئ وانا نصيحتي خلي علاقتج وياهم سطحيه وانتي ما تعرفين كيف تربيه عيالهم والا تفكيرهم حتى عيالج ما يتاثرون ما تستوي مشاكل من بينكم
وبتبدى الزيارات شوي شوي وحلوو لمه الجيران بس مثلي انا ما عندي وقت للجيران…الله يخلي الوالده مب مقصره
حلو الواحد انه يكون عنده جيران