بنات انا من شهر و شوي سويت عملية الربط كنت فالاسبوع ال 15 و الحمدلله كل شي تمام .. قالتلي الدكتوره ارتاحي قد ماتقدرين ف انتقلت لغرفة فالدور الارضي ف بيت عمي عشان اتجنب الدري و لمدة شهر كنت اغلب ابوقت منسدحه و اهلي كانوا ايوني لانهم ساكنين منطقة شوي بعيده ولا شبرت برع البيت ههههه خصوصا اني ماشاءالله حامل بتوم تبارك الله و هالحمل صار بعد تعب و انتظار اللهم لك الحمد ❤️
الحين انا دخلت الاسبوع ال22 الحمدلله .. اريد اعرف هل اقدر مثلا اطلع اتمشى لو لمدة ساعه ف مول مثلا اغير جو؟ هل اقدر اركب الدري للضروره مرات؟ في اشيا اعرف انها ممنوع مثل الجماع و الاجهاد و انا متجنبتنها طبعا و حتى اني بتم فالغرفه اللي تحت لين الثامن يرجع لغرفتي فوق ان شاءالله … بس مرات احتاج اركب دري و اخاف و الحين احتاج اطلع ابدا اجهز للبيبيات 😥 سااعدوني اللي سوت تفيدني كيف مارست حياتها و بكون شااكره لكم 😊
أفضل تسألين دكتورتج هي عارفه حالتج .. في هالأمور ما أفضل تأخذين بتجارب غيرج
انا الحمدالله ربيت قبل شهرين وكان حملي وايد صعب وغالي وسويت ربط ع الأسبوع ال20 نصيحتي لج تجنبي كل شي عشان خاطر البيبي لانج ماتظمنين لاسمح الله انا كنت مأخذه كل احتياطاتي يعني كله منسدحه وما اطلع الا للمواعيد وما أتم قاعده وايد الجماع ممنوع لين وصلت تقريبا 26 او 24 وأخذت أبره الرئه عقب طلعت يعني قولي نهايه السابع بديت اجهز وطبعا لاتجهدين عمرج شوي شوي … في بنات يسوون الربط ويعيشون حياتكم عادي كله من رب العالمين انا لان كنت فاقده حملي قبل وخفت ف كنت وايد ملتزمه الله يثبتلج حملج يارب ولاتنسين انتي تومً الله يحفظهم
انا سويت الربط بعد فالاسبوع 14 .. والحين حامل فالشهر السادس وهذا حملي الثالث ما شاء الله .. وفي كل حملي مسويه ربط
حبيبتي لا تحاتين ولا توسوسين مارسي حياتج بشكل طبيعي بس بدوووووووووووووووون مجهود
.. يعني اطلعي غيري جوو بس لاتمشين وايد .. روحي اتشري للبيبي بس مب لازم كل شي بنفس الوقت يعني اطلعي يوم وريحي كم يوم وردي اطلعي .. الله يسهل علينـــــــــــــــــــــــــا يارب .. والله يرزقنا بالطفل السليم المعافى (اللهم أمين ) واذا عندج أي استفسار خبريني ؟