شحالكم خواتي ، عساكم بصحة وعافية
بصراحة أحس أنه دخلنا حالة حرب كل ماطلعنا ويا رياييلنا للأسواق أو أي مكان ، وحالة الحرب مب مع الزوج وأنما مع البنات والحريم اللي يبققن فأزواجنا ولا كأنى معاه حرمه وعيال
يعني أنا ياما صارت لي مواقف وياهن وياما شفت بعيوني وهم يطالعن رياييل الحريم وبعضهم مع عيالهم وبعضهم بدون عيالهم .
بس لاحظت أن الريال مايطالع لكن ينتبه أنه في وحده طاره عيونها عليه حتى لو ماكان فيه ذيج الوسامة ويكون هو غاض عيونه عنها ومب مسولها سالفة لكنها تكون بعدها طاره عيونها وتبسم
وتصاصر ربيعاتها أو من معاها
الحين كل وحدة فينا ماتبا برستيجها وشخصيتها يدمرون جدام ريلها أو جدام الناس .
كل وحدة تقول كيف تصرفت بهالمواقف ؟ وتنصح غيرها كيف تتصرف بهالمواقف
أنا عن نفسي لو بقولكم بتنصدمون السالفة ماوصلت بس للنظرات السالفة وصلت للكلام ؟!! تتخيلون؟
والله حسيت أن الأرض أنفجت تحتي ونغطيت بالبركان من كثر ما حسيت بحرارة فويهي وجسمي من
الموقف
كنا يالسين فسنما الا والحبيبات ماحلالهن الا ويقعدون يممممممممم ريلي والسينما فاضيه تقريبا
جان اقوله قم سرنا يدام ، فقعدنا يدام ، وجان اسمعهم يقولون اويه ليييش حرام ، انا صخيت اهنى
وقبل لايخلص الفلم قلتله قم نطلع لاني والله باكلها ومابا يشغلون الليت وتسوون لي فلم هندي انتو الاثنين ، هو صخ مانطق ولاناقشني لانه عرف اني قيجت ، ويوم مشينا جان تصفر تبا تلفت انتباه وجان اتقول انزين لحظه ماخلص الفلم اويه ليش توا الناس . من وصلنا السيارة وجان أنفجر من الصياح ، اهنى حضني وقالي ليش تقهرين عمرج على جلاب شوارع الله يعزج تعرفين انا احبج ومابا غيرج ولاهمني حد ثاني سواج اهنى دزيته قلتله سير عندهم جان يحلف ويقول والله ماطالعتهم ولاهموني ونت تدرين اني اموت وابوس الارض اللي تمشين عليها ورد يهديني .
سوري بس بقولج ما عندج سالفه تصيحين عشان هالاشكال والله والله لو منج عقب ما اغير مكاني بقول حق ريلي خلنا نغير مكانا اشم ريحه خايسه هبت علينا مره وحده خخخخخخ وعقبها بحضن ريلي وبحط راسي على جتفه وبتصاصر وياه وبقوله اي شي يضحكه بس عشان اقهرهم والله ما عندنا سالفه احنا يوم نحرق اعصابنا على بنات الشوارع مثل ما قالج ريلج والله هاي هابطه درجه اولى بعد حتى الرياييل اصلا يجزون منهم ومن حركاتهم الجريئه
الله المستعان
السالفة ما تستاهل وخلهم يطالعون لين تطلع عيونهم،، شوف وحرق يوف
خلج واثقة من نفسج ومن ريلج،، وادلع يا كايدهم 