الحريم صارن مقصصصصصصصة ،،، احدرن

ملاحظة ان الحريم صارن مقصة و ينقص عليهم بالكلام العسل و الحلووو من ريايييلهم

خواتي من ناحية قانونية وشرعية و من عاداتنا

القوامة ع الرجل ،، هو اساس البيت هو الاسمنت و الطابوق
و انتي الصبغ << تشبيه حلووو خخخخخ

هو الاساس هو الاساس
مب انتي

هو ريال و انتي حرمة
هو ذكر و انتي انثى
هو القوي و انتي قوية بس مب شرات قوته
هو الريال اللي يشتري و يسوي و انتي الاميرة
هو الملك و انتي الملكة

انتي مب ريال
فهمتي

حطيتي نص فلوسج و بنيتي بيت مع ريلج
و ريلج حط النص
البيت نصه لج و نصه له و لازم يتسجل باسمج و اسمه
هذا الحق و اي ريال اصلا ما بيرضاها
بيقول من نفسه نصه باسمج و نص باسمي لانج يا زوجتي دفعتي و ساعدتيني

ماله داعي تاخذين قرض شخصي باسمج و تسوين البيت باسم ريلج
و تشترين له سيارة و تسوين و تسوين

متى ما عودتي الريال ع طبع انه يكون ريال و يصرف ع البيت
و يصرف عليج بعد << اقصد يوم تطلعين وياه مول ولا مكان تشترين و يدفع لج
بيصير الريال مسؤول
بيحس ف جيمتج عدل

بس متى ما انتي صرفتي ع بيتج و فلوسه زااااااااااااااااااادت
يصرفها ف مكان غلط او صح سواء دراجات ولا سفرات مع ربعه ولا خرابيط ولا بنات ولا مشاريع

و عقب شوي شوي يرخي لج الحبل و انتي المسكينة
قصدج تساعدينه و توقفين معاه
بس مو قصدج تكونين ريال
و عقب يتررررررررك لج الحبلللللل كله
بدل ما هو يسحب وياج
بتلقين نفسج بروحج

تذكري اختي انتي حرمة و هو ريال
بتقولين مساعدة مشاركة ع عيني و راسي

انا ايمع من راتبي واشاركه برضاي اشتري اثاث شي
ولا اشاركه ف مصاريف السفر
ولا اييب له هدايا له و لاهله و لاهلي و ادلع عمممري براتبي و ايمع منه بعد
بس روشن البيت و الاغراض علييييييييييييييه
و يوم بساعده براحتي مب مجبورة ابدا ومب ملزومة كل شهر اسوي

بس طبعا ما ابيين له ها الشي و اقوله تعال اصرف علي و انت مجبور
كله بالكلمة الطيبة و المحبة و الاحترام و التقدير
كله بدلوماسية و ذكاء مب بالفرض

و الحمد الله بنيينا بيتنا و باحلي اثاث مب لانه رواتبنا عالية مع الديون اللي عليه
لاني كنت ايييييييييييييييييييمع من وراه
و الزمه بالصرف بطرق دبلووماسية
و ما احط فلس من راتبي
و ارتحت ف بيتي الحمد الله رب العالمين

بنات كل شي يبغي له دبلوماسية و مدح و مكر و اهتمام
و فلوسج خشيها مب لج لعيالج و ل الاثاث
او بتسوين هدية سفر او بتحجزين ف فندق ولا شي
بس هو اللي يدفع عوديه ع ها الشي

المشاركة مطلوبة بس خليه هو الاساس << باجر لسمح الله استقلتي شو بتسوين و انتي ما عندج ولا فلس سبحان الله طلعتي من دوامج
و يمعوا لكم ل بيت العمر لان بيتج و مملكتج احلى و اروع و بتستانسين ع بيت ملكج و تحسين انج اميرة و راعية البيت و محد يدخل فيييييج و ف حياتج

لدرجة بنت عمتي سألتني كيف بنيتوا البيت ف فترة قياسيه

و كان هذا السررررر

نص بناء البيت علي
و نصه عليه
و تسجل باسمي و اسمه

1- صرف البيت عليه 100 % ما احط ولا فلس إلا في حالات نادرة جدا
2- استلم منه مبلغ كل شهر و احطهم بالتوفير 1 إلا هو مصروفي الشخصي (1500)
3- بين فترة و الثانية اقوله ما عندي فلوس للصالون او العيد او مناسبة او عرس و اخذهم و ايمعهم ف حساب توفير 1
4- كل شهر اسحب مبلغ محدد من راتبي لمصروفي الشهري ( نفرض 3000)
5- احول مبلغ من راتبي ل توفير 2
6- الفلوس اللي يمعتها منه استخدمه ف بيتي في حساب التوفير 1 ( ايمع له عسب يسدد جيمة البيت- يعني كل شي من فلوسه بس انا اللي علي ايمع له بطريقة ذكية )

و الريال يقدر الحرمة اللي يصرف عليها
و اللي تقول مع احترامي لكم بساعده
بالعكس ساعديه ف حدود المعقول جدا
ولو عنده و مقتدر و راتبه عالي وما عليه التزامات ليش تساعدييين
و عوديه ع الصرف

لا تخلين ريلج
سمنديقــــة
صنم
ياكل و يشرب و انتي تسوين كل شي
لا تغلطون هاي الغلطة و اللي توها معرسة و مالجة تقدر تعود ريلها ع ها الشي
و اللي غلطة و تسوي كل شي تتلاحق ع نفسها قبل ما يطيح الفاس بالراس

الموضوع هو تعود
متى ما عودتيه على ها الشي يتعود

هدفي من الموضوع : عودي ريلج ع صرف البيت و هو الريال ف كل شي ،،
لااااااااااا تاخذين دورررررره ابدا ،،
ولو بتساعدين في حدود المعقول جدا جدا ،،،

يمكن البعض منكم ما فهم موضوعي عددددددل ،،
انا اقصد تنبيه بعض الخوات الغافلات
ما اقصد لا تساعدون ساعدوا في حدود المعقول

———————-
وهاي قصص من الحريم المغفلات القراب مني :

– س اشترت سيارة جيمتها 380 الف لزوجها و خذت قرض و السيارة باسم زوجها ، للعلم زوجها مقتدر ما شاء الله و راتبه عالي جدا وما عليه ديون و هي راتبها ع قد الحال وكانت في فترة ملجة فقط تتخيلون بنات ؟؟

– م خذت فرض شخصي عسب تبني بيت العمر مع زوجها و بالفعل تسجل البيت باسمه و بعد 10 سنين تزوج عليها وهي مسافرة لاداء الحج مع ابوها و يلس زوجته اليديدة ف البيت ، و الحين رافعه عليه قضية ان نص البيت لها لكن ما في دليل لان القرض شخصي مب سكني

– أ صار لها 8 سنين متزوجة و كل صرف البيت عليها جمعية مصاريف عيالها و هو يقول لها ما عندي مديون و بعد فترة شاري بيت جيمته مليونين لعشيقته و ام عياله بغرفة و حمام

– لاحظت على ع انه راتبها ما يتم منه شي و نصحتها بطريقة حلوة ان تخفف من مصاريقها و تخلي زوجها يشاركها و صدق بعد شهور تقول لي تصدقين شاري له دراجة ب 70 الف درهم و مسافر مع ربعه وانا مالت علي اساعده

بقولكم الخطأ مب من الريال
من الحرمة الخبلة
اللي لا فيها ذكاء ولا دبلوماسية ولا اسلوب

كل كلامج صح الريال هو كل شي وهو اساس البيت

عيبتني هو الاسمنت والطابوق ونحن الصبغ هههههههههههههه

المشاركة الأصلية كتبت بواسطة بنت راك99

ماشاء الله عليييييج والله انج حرمه سنننعه فديتج والله يالمغتربه

كل كلامج صح الريال هو كل شي وهو اساس البيت

عيبتني هو الاسمنت والطابوق ونحن الصبغ هههههههههههههه

هههههههههههههههه مجرد تشبيه خطر ف بالي
و حياج الله نورتي الصفحة