الحريم والعروس :)

السلام علبكم

هلا بنات اشحالكن؟

بس حبيت افتح هالموضوع

شو رايكن فالحريم الي يقطعن العروس؟ كانت ضعيفه<< احم (انا بس بعدني ما عرست) والي يقولن كانت خسفه والي والي..

انا بصراحه هالشي مول ما يعيبني انزين انتن شلكن فيها!!

المهم انا خايفه من هالشي.. خاصه لني ظعيفه حتى عروقي تبين فويهي .في منهم يقولولي ها من الظعف وفي منهم يقولولي من البياض<<اونه يرفعون من معنوياتي ههه

يمكن اتشوفون هالمشكلة سخيفة بس وايد مأرقتني والمشكلة اني وايد حساسة وبسرعة اتأثر بكلام الناس

انتن شو رايكن؟

والله جوفي اغلب الحريم يروحن العرس عسب يجوفن شكل العروس

والمعرس ويوم يرجعن عاد تعالي جوفي التعليقات ما يعجبهم العجب

بيضه سمره طويلة ضعيفه دبه

يعني شو تبين بالحريم وكلامهم ما يخلص اهم شيء انتي بعيون ريلج حلوه

والناس اذواق

والرشاقه حلوه فديتج وماشيء احلى منها ومع الايام بتمتنين ان شااءلله

مشكورة اختيه

هيه والله صدق انهن حريم
بس عاد انا بسرعة اتأثر وتتعب نفسيتي

كلام الناس لا بي ادم ولا ياخر …

واايد الحريم يتكلمن وانتي اش عليج منهم لا تخافين ولا تحاتين امي ويدتي منهم الله يهديهم .. اكيد كل حد بيرمس بينتقد وهذا شي عادي حتى انتي نفسج لو شفتي شي بتنتقدين بتقولين العرس حلو او مزعج او العروس فستانها مب ذاك الزود هذه طبيعه فينا البشر وخاصه يا حسرتي العرب ..يمكن ما بتقولين لحد بس بتشرحين الوضع لاختج مثلا وامج بتسمع
.. انا وحده والله ما يهمني كلام الناس..
ولا اعور راسي باي شي اللي بيرمس بيسكت في النهايه … وهذا مجر تعبير راي للاشخاص في نظري بس بعدم التجريح ..

الله يوفقج ويعطيج الف صحه وعافيه ويبارك لج في حياتج … ومافي شي كامل اكيد في شي لازم ينتقد

هههههه اختي فديتج ليش تحرقين اعصابج وياهن… لو انا بستانس وبقولهم حشو فيني .. بالعكس المفروض تفرحين .. خلهن يحشن من اليوم لباجر … وانتي خذي اجر من وراهن ^_^.. وتذكري اصابع ايديج مختلفه حد بشوفج حلوه وحد العكس ورضا الناس غايه لا تدرك … والسموحه منج ^_*

طنش تعش لوو نمشي وراء كلام الناس مابنخلص انا اخر شي افكر فيه هم

والله انا عسب هالسوالف وهالحش من تحت لتحت
ان شاء الله ناوية ان ربي كتبلي العرس
اني ما اسوي عرسي في فندق بسويه في بيتنا عسب ما نعزم وايد ناس
وايووون العرس بس حق القيل والقال وسوالف الحش

في ناس ما تخاف رب العالمين وفي ناس ضعيفة وناس متينة
واتاكدي انه حتى العروس لو كانت اجمل جميلات الجمال الا يطلعن شي فيها

علشان جيه ما عليج ولا تفكرين في هالشي