الحريم وتعدد الازواج

السلام عليكم ورحمه الله وبركاته

شخباركم علومكم

دار في بالي موضوع التعدد للازواج من منطلق شكاوى الحريم التافه والسموحه من الجميع

احين اي حرمه ريلها يقصر معها بشي بسيط على طول اتي المنتدى وتكتب شكوتها انه ريلها ما اشترى لها الشي الفلاني او ما سفرها او ما عشاها في مطعم او اي شي سخيف

وتعالو لو جفتوا وحده كاتبه انه اتقدم لها واحد معرس وتتطلب مشورتكم وتقول ان الريال قال لها يبغي يزوج لان حرمته مهمله وفيها وفيها الاكثريه يطيحون فيها ويقلولها ليش ما يجوف حسناتها وما يقدر عشره العمر وحياتها

الي فنها وياه(( طبعا هن يقلن جي يخفن يوم من الايام انه ريايلين يعرسون) والسموحه

المهم

تعالوا معي واتخيلوا في تعدد الازواج

وحده ريلها موفرلها كل شي بس ما سفرها ظني وبتهدد ريلها اذا ما سفرها بتسوي شي بتخليه يندم عقب اذا ريلها ما سفرها اتروح تتزوح عليه ريال ايسفرها خخخخخخخخ

او وحد ريلها ما يويها مطاعم وغير رمانسي اتروح ادور على غيره يشبعها

ما ادري انا لو في تعدد للازواح بيستوي جي ولا شو رايكم

الهدف من الموضوع

انه مب كل الرياييل يزوجون على حريمهم كالبحث عن الكمال في المعامله لا في رياايل فعلا حريمهم يدورن مشاكل من تحت الارض فيطر الريال بعد تفكير يدور على راحته طبعا ها من احد اسباب التعدد

اتمنى انكم فهمتوا علي

ويلا ابغي نقاش واراء من غير صواريخ ومدافع

امممممممممممممممم صحيح أغلب الريااييل ما يفكرون يعرسون الا لو حريمهم مقصرين معااهم لو بشي تاافه بنظرنا نحن الحريم ….

يعني بعطيج مثااال .. واحد متزوج وعنده عياال ومرتااح ماديا ومو مقصر مع حرمته من أي شي…
شغله يتطلب منه كل شهر سفرة مع اهله كمرافقين طبعا فالاجازات ودايما يوديهم … الحرمة كل مرة ضرابة وحشرة انا ما بيي شو هذا كل كم يوم رتبي الشنطة بنسافر وارجعي فضي الشنطة تعبت ما ابي …. وشغله يتطلب عزايم عشا وغدا له ولعايلته وزوجته ما تهتم تروح بدفاشتها وتحرطيمها على السفر وعلى وعلى
وكل سفرة هالمواال الريااال قال فخااطره خلااص انتي خلج فبيتج مرتاااحه وانا بتزووج بنية تهتم بهالسواالف … منو الغلطاان ؟؟؟؟؟؟؟؟

الرياااال لو حرمته مالية عينه ومو مقصرة معاه بشي من تعامل وكلمة حلوة ومنظر مرتب وريحت زكية على قولتهم 80% من الرياااييل ما بيعرسون على حريمهم ………. النسبة تقديرية من عندي ترى خخخ

الحرمة تهتم بعمرها وريلها من اول ما تعرس ومن اتييب عيال واحد ولا ثنين يخف اهتمامها فيه وتحط اللوم انها تهتم فعيااله …….!!!!!!!!!!!!!!!

الله يحفظ كل زوج لزوجته وكل زوجه لزوها وما يفرق بينهم …

بس لي رجاااء كل أخت اييها خطيب متزوج ويبااها كزووجة ثاانية لااازم تشرط ان الحرمة الأولى لازم يكون عندها علم ……….. ما اعرف ليش كتبت هالكلام بس ابي اكتبه خخخخخخخ

صح بصراحه الحريم دوم يقلبون على الرجال لو نقصوا شي

ولو شافوا واحد من الرجال يشتكي من زوجته هم قلبوا عليه اونه ليش ماتشوف حسناتها

ههههههه مساكين الرجال دوم الحق عليهم

مرة خذيت لي لفة بمنتدى الحياة الزوجية ( مختلط )

وقلت اشوف مشاكل الرجال

واللي لاحظته وفعلا رفع ضغطي

ان لما وحده تكتب مشكلة على طول يوقفوا معها وتنزل الردود والشتايم والبهادل على الزوج لا مو الزوج لحاله

يشملوا كل الازواج وكل الرجال ( مايخافون الله … كل الرجال مايبين بعينهم … الخ من هالكلام )

وهم اساسا مو عارفين شي عن حياة هالعائلة غير هالشكوى اللي منزلتها الزوجة

وتعالي في موضوع الزوج يشتكي من زوجته ( وكاتب بآخر الموضوع افكر بالزواج الثاني )

ويكون بمحتوى الموضوع واللي واضح ان الزوجه فعلا مقصرة وانه سوى كل الطرق ومافي فايدة

وياساتر على ردود الحريم كلهم يقلبون عليه

انت فيك وفيك وانت احمد ربك انها صابرة عليك وليش ماتتحملها وليش ماتشوف حسناتها وماتخاف ربك وليش تظلمها مع انه يكون كاتب انه صابر عليها مدري كم سنة وكلمها وتفاهم ومافي امل

وحتى هني بالنقاشات في الغالب الحريم بصراحه لاحظت انهم واقفين مع بنات جنسهم سواء بالصح او الغلط ( مو الكل بس نسبة كبيرة )

اما بالنسبة ان الوحدة اذا زوجها ماوداها مطعم تسوي مشكلة وتنسى كل خير عمله بحياته وتفكر بس بالتقصير بهالناحية

هذي من اللي ( يكفرن العشير )

ما اقصد الهجوم على الحريم لا والله

بس بصراحه هالشي لاحظته كثير لدرجة اني بالاول من كثر المشاكل صرت اكره الرجال من كل قلبي

اما بعد مالاحظت هالاشياء على الحريم تغيرت نظرتي حتى مرات احس الرجال احسن من الحريم خخخخخخخخخخخخ

لا لا اثنينهم فيهم الصالح والطالح ^_^

واتوقع فعلا مثل ماقلتي لان الحريم ماعندهم مجال للتعدد فيصبروا ويتحملوا اكثر يمكن لو في مجال والله على طول شافت واحد غيره هههههههههههههههههههه وانا اولهم خخخخ باخذ لي اربعه هع

في شي ثاني بموضوع التعدد ( رغم اني مستحيل ابقى عند زوج المستقبل اذا تزوج علي )

بس انا ماراح اتكلم من منظور شخصي وعن حالتي الشخصيةبتكلم بشكل عام

ان الحريم لما يقروا موضوع وحده بتكون الزوجه الثانيه كل وحده تحط نفسها مكان الزوجة الاولى وتفكر انها المقصودة وترد على هالاساس … ليش ؟؟ ( هل هالشي من المنطق والحكمة في حل الامور ؟؟ )

طيب اذا احنا مانرضى في حريم ثانيات يرضوا عادي عندهم التعدد

وبعدين ليش على طول نظلم الرجال ونقول انه كذاب واكيد يقول لك هالكلام عشان يقنعك توافقي ولازم يقدر ولازم يتحمل

طيب احنا قاعدين بقلبه ؟؟؟ عارفين شو وضعه مع زوجته ؟؟ يمكن كلامه صحيح

واذا في ناس عندهم القدرة على تحمل امور بسبب العشرة في ناس ثانية ماعندها القدرة

ليش الناس تحكم على غيرها من منظورها الشخصي وتعتبر رايها ووجهة نظرها ورغباتها مقياس للعالم ؟؟؟

طيب الرجال وجهة نظرهم غير واساسا البشر كل واحد مختلف عن الثاني بالتفكير

شكلكم مب معرسات عشان جذي هاذي ردودكم ،،،

المشاركة الأصلية كتبت بواسطة كلي2وفا

الله يحفظ كل زوج لزوجته وكل زوجه لزوها وما يفرق بينهم …

مشكوره اختي على ردج

وفعلا مثل ما قلتي اذا كانت الحرمه مهتمه بريلها 80 % مستحيل ياخذ عليها ..وانما الي يزوجون ثانيه يكونون حريمهم عدم وحودها افضل من وجودها بحياه الرجل بس الريال ما يطلقها ويخليها على ذمته خوفا على عياله من التشتت هالشي اقوله مب من مخيلتي لا من قصص واقعيه اعرفها

اما حجه الاهتمام بالعيال سبب اهمالها للزوج .. يعني ليش الريال ازوج مب عشان عنده متتطلبات ومب بينها يبغي يحس باهتمام حرمته

واما بالنسبه لاخبار الزوجه الاولى انا مب معاج بعض الحالات مثال ربيع ريلي حرمته شريره وغير مهتمه بالنظافه الشخصيه والبيت والعيال بس همها تتبع اخبار الناس وتتكلم فلان وعلان وتتضرب ريلها بعد مع انه ريلها مب مقصر معاها بشي المهم ها يبغي يزوج وهددها اذا ما بتيلس في البيت وتهتم فيها شرات الحريم وفي العيال الي علاماتمهم مدنيه لانها دومها يالشلتنهم معاها لما تتطلع من الظهر وترد الساعه 11 فليل بس ماشي فايده او اتعقهم على الخدامه

وتقله اذا عرست علي بسويلك سحر يشلك يعني هاي معاوره لا تبا تتنظف ولا تبغي يرتاح
يعني مثل هاي ما ينقال لها اما الحلات العاديه لازم يخبرها قبل حتى لا يصدمها ويقلها انا خبرتج ونبهتج

ومشكوره مره ثانيه على الرد

المشاركة الأصلية كتبت بواسطة دلـــوعـــة