الحسد زارني —- فرحل دون عوده

بالخيرات يابنات ياحبابات ابي اقولكم قصتي مع الحسد كنت في مجلس في هالمجلس نساء كثيرات فيه منهن الجميله وراعية النعمه بنت العز يعني وفيه اللي مثل حوفي اقصد مثل مستواي والحمدلله صحيح مامعي دنياء لكن احس اني املكه لفت انتباهي وحده ماشاء الله جميله وجسمها خيال ومتواضعه وغنيه ودينه طبعاً حسب ماعرفت من اللي بجنبي فقول بنفسي هذي من حظ رجاله اكيد ان امه داعيه له ليلة القدر المهم بس انه طالعه من المجلس وداخله عشان تكلم بالجوال المهم انا قعدت اتامل المجوهرات والملابس الانيقه والعطر باهض الثمن والجمال الطبيعي سبحان الله المهم سمعت وحده تمدح خاتم كانت لابسته فقامت هالغنيه وطلعته من صبعه وقالت خوذيه والله انه مايرجعلي والمره تحلف انه ماتلبسه المهم وانا اطالع الموقف اقول ماشاء الله بعد كريمه جاني الحسد قال ايه وش عليه هذي زي الرز الفلوس عنده شفتي حضه لو كنتي مثله كان هالناس كلهم يهتمون فيك ويشيرون لك با لبنان هي ماتستاهل ولا وش قاصرك ولا هي بس وانتي لا بدا الحقد والحقدطبعاًولد الحسد بعدين قالتلي نفسي بعد صراع مع الحسد وتغلبت عليه وش سوت هالانسانه لك يوم انك تحقدين عليها لاضرتك بالشي بالعكس هذي انتي اذا طالعتي لها قعدت تبتسم جزاها الله خير غيرها تتكبر على اللي بمستواك فقالت لي نفسي جرديها من الملابس الانيقه والمجوهرات والعز وش راح تحصلين قلت انسانه مثلي مثلها فقالت انسانه ضعيفه بنت ادم وحواء تكابد شقى دنياء تتالم و تمرض وتشفى تفرح وتحزن و تضحك وتبكي مصيرها في الحياة مثل مصيرك بس لان الله قدر عليك رزقك وهي وسع عليه انتي ماسخطتي عليه انتي سخطتي على الله ومنهي انتي يوم يالعبده الضعيفه المسكينه تسخطين على الله وبعد مادبتني نفسي ماقمت من المجلس الا انا داعيه له بسعادة الدنياء وصلاح الامور والذريه والله بعد مادعيتله اني حبيته وحسيت بسعاده غامره لاني تغلبت على الحسد والمعذره على الاطاله

تسلمين الغاليه ع الموضوع .

يزاج الله خير

والله صدقج …

وش سوت هالانسانه لك يوم انك تحقدين عليها لاضرتك بالشي بالعكس هذي انتي اذا طالعتي لها قعدت تبتسم جزاها الله خير غيرها تتكبر على اللي بمستواك

يسلمو عالنصح

جزاك الله خير

تسلمين

بارك الله فيكِ

ما شاء الله عليج
موضوع رائع يتعلق بمرض مهم من أمراض القلوب …….. ما شاء الله اتطرقتي لموضوع نادر ما يتم طرحه من البنات ….. جزاك الله خير وكثر من أمثالك وأثابك سعادة الدارين