كيف الحال خواتي ؟
ان شاء الله بخير
عندي مشكلة
حابه اطرحها
المشكله هي
عندي ربيعة
هي تقريبا اقرب شي عندي
وحده متفهمة وافكارها على افكاري وانسانه مسؤولة
بس المشكلة وين
الحسد والغيرة
كثير احسها تغار وتحسد وخاصة المتزوجات
لان عمرها 32 سنه وللحين مب متزوجة
واكثر من مرة اقولها هذا نصيب من الله وانتي فاهمة هذا الشي
وهي ماشاء الله عليها ماتخلي فرض ماتصليه
وانا مب احسن عنها انا عمري 26 وللحين ماتزوجت
ولا شغل ولا مشغلة صح مرات اغار بس مااقدر اقول كلامها ابدا
يعني مرة تقول لي :
ماتريد تروح عرس معزومة عليه عشان تريد تشوف العروسه بلبس اسود
ويوم مرة قلتلها اريد اقدم لوظيفة مدرسة في مدرسة زعلت وقالتي بالحرف الواحد
لا في وظايف ادراية قدمي عليها احسن
واصلا انا للحين مااعرف شو الفرق بين وظيفة ادري او تربوي كله شغل ونصيب
المهم الواحد يتحمل المسؤولية وخلاص
صح الواحد مرات يحس بغيرة بس بحدود مو لهاي الدرجة
هي البنت الكبيرة وهي متحملة مسؤولية اهلها وتشتغل
بس المشكلة الغيرة عندها صعبة
مرة رحت معاها اشتري كمبيوتر جديد وكان نوعه جيد
قالتي ان هذا الكمبيوتر مايسوى وكلام ثاني بس عشان غيرانه
يوم شغلته في البيت انحرق في نفس اليوم
ان بعد الظن اثم بس خفت منها بصراحة
يوم من الايام شفنا ربيعة لنا من ايام الجامعة
وماشاء الله صار عندها بيبي
ونحن قاعدين في الكفتيريا حسيتها بتموت وصارت طالع نظارت زعل ومتضايقة بصورة تخوف
والمشكلة الثانية انها جنت اي شخص يقول لها كلمه في الدوام او يمدحها على طول
تفكر ان يحبها!!!!!!!!
حتى المسؤول عنها حس بهذا الشي وتم يراقبها
فصارت تقول انه يغار عليها !!!!!
ويوم حاولت افهمها صارت تصرخ فيه وتقول انه يغار عليها وبس ومش عشان سبب ثاني
ونظراتها فاضحتنها بصورة مش طبيعية
وتقول ان الكل معجب بيها في الدوام وان مو ذنبها اذا مرت الكل يطالعها !!!!!!!!
يعني شو اسوي معها مااعرف
مرة تقول لي تريد تشوفني يوم عرسي لابسه اسود ( وبعدين تقول امزح)!!!
صعب
هي متفهمة احسه كثير لي بس شو اسوي منها
ودوم تعلم اختها تقول ماشاء الله للاشياء الي تعجبها بس هي شكلها ماطبق للاسف !!!!!
انا مقدره ظروفها بس الوضع زاد عن حده
بس اريدكم تدعون الله يهديها ويهدني
انا واثقة انه لن يصيبنا الا ماكتب الله لنا
بس صرت مااقدر اخبرها اي شي
للاسف وانا زعلانه من هذا الشي
وانتي ربيعتها المقربه و اكيد متفهمه هالشي بس الناس ما تتفهم و بينفرون منها ،،،
بس كل انسان فالنهايه في بذره طيبه بتصحى في يوم و بترد تتوازن مره ثانيه لانه الدنيا ما توقف عند زواج ،،،
وانتي اختي فديتج حاولي دائما تطيبين خاطرها و تنبهينها من الحسد عشان قلبها ما يحقد عالناس و يبتدي يكره الكل ،،
يعني لو عقت كلمه مثل " متى بشوفج عروس و لابسه أسود " حتى لو تمزح لا تطوفيلها …قوليلها لو فرحتي للناس الله بيفرحج … عشان تنتبه على عمرها لانه هالكلام ما ينقال و هي بهالطريقه تضر عمرها قبل الكل ،،
الله يشرح صدرها و يرزقها برضى الرحمن و بالريل الصالح و براحة البال ^_^
و حلو اهتمامج في ربيعتج بس لا تتخلين عنها عشان اسلوبها .. انتي فاهمتنها عدل فحاولي تردينها لطبيعتها ^_^
المشاركة الأصلية كتبت بواسطة *****’s pearl 
وانتي ربيعتها المقربه و اكيد متفهمه هالشي بس الناس ما تتفهم و بينفرون منها ،،،
بس كل انسان فالنهايه في بذره طيبه بتصحى في يوم و بترد تتوازن مره ثانيه لانه الدنيا ما توقف عند زواج ،،،
وانتي اختي فديتج حاولي دائما تطيبين خاطرها و تنبهينها من الحسد عشان قلبها ما يحقد عالناس و يبتدي يكره الكل ،،
يعني لو عقت كلمه مثل " متى بشوفج عروس و لابسه أسود " حتى لو تمزح لا تطوفيلها …قوليلها لو فرحتي للناس الله بيفرحج … عشان تنتبه على عمرها لانه هالكلام ما ينقال و هي بهالطريقه تضر عمرها قبل الكل ،،
الله يشرح صدرها و يرزقها برضى الرحمن و بالريل الصالح و براحة البال ^_^
و حلو اهتمامج في ربيعتج بس لا تتخلين عنها عشان اسلوبها .. انتي فاهمتنها عدل فحاولي تردينها لطبيعتها ^_^
والله ياختي انا متفهمة الحالة كثير
كثير
وفاهمة معنى قلة التوفيق وهاي الامور زين
فاهمة
ودوم ساكته عنها او انصحها يعني ممشيه الامور
وهي عارفه هذا الشي
لدرجة انها متصله علي مرة وتقولي انها تحبني 
عشان الكلام الي تقوله ماتقدر تقوله لحد بسهولة الناس ماتسكت
بس الله يهديها يااااارب ويهدينا معاها بعد محتاجين
وانا مثلها يمكن اصعب منها امر بظروف قاتله يعني هي على الاقل تشتغل
وفي ناس سوت فيه انا العمايل والكلام ولا في اي نوع من التفهم ناحيتي الا بطلاع الروح وبهذله
بس في النهاية بالعه في قلبي ومااقدر اطلع شو في بقلبي واذا دعيت على حد في خاطري
ارد اصيح واندم وحط اللوم علي
بس في النهاية انا وعيت انه كما تدين تدان