الحصاة اللي تستخدم في النفاس , تعرفونها؟؟؟؟؟

انا ماخذتنها من عند بيتنا ومن المزرعه هي عاديه حصاه ما فيها شي بس خذيها شوي ثجيله وكبيره عشان تضغط على البطن شوفي باي مكان في المناطق الجبليه وايد وعند البحر يمكن تلاقين بس خذي حجم مناسب. موفقه الغلا

نحن مانستخدم حصاه بس هل ريلي يستخدمونها وياخذونها من المناطق الجبليه وين زغي وراس الخيمه وطريقة استخدامها بس تحطينها في الشمس ومن تحتر تحطينها ع بطنج وينزل كل الوسخ وبتحسين بالراحه ومره بس في اليوم او مرتين 

اذا عندج اهل في راس الخيمه وصي عليها لانها ماتنباع

هلا اختي مثل ما قالوا لج الاخوات اتحصلينها على البحر ولا الجبل واتطون حجمها قد فتحت اليد لما تفتحينها كامله
واحنا انحطها على الفرن وعلى نار هاديه الين اتحر وعقب انلفها بفوطه غليظه وانحطها على بطنا
فتلاحظين الدم الجامد في بطنج والوساخه تنزل وحتى لما تستمرين عليها يوميا بتلاحظين انج تنظفين واتخلصين ابسرعه
وانا اكثر شي استخدمها لما ايزيد ويع بطني فاحطيها وارتاح وخاصه بعد الويع الي ايي وقت رضاعتج للبيبي في بداية الولاده
وفي المستشفى اودي معاي المطاره الي احط فيها ماي حار واستخدمها لما ازيد ويع بطني وقت رضاعة البيبي لان الويع بعد الولاده ومع رضاعة البيبي ما ينطاج

اعتقد تقدرين تستبدلينها بالمطاره .. اللي تحطين فيها ماي حار وواايد زينه ..

كيف حصاا ينباع !! عادي إختي الشوارع متروسه حصا .. أنا الصراحه إلي سويتها كانت قياس بطني يعني كبيره شوي وتكون مسطحه .. وسخنيها عالغاز لين تحر لفيها بفوطه غليظه والخوات خبروج شو فايدتها ..

ههههه اشدراني احسب حصاه من نوع خاص يعني تحفظ الحرارة او شي جذا