خواتي حد عنده طريقه حلوة لطبخ الجبد ريلي متوحم عليه خخخخ
أنا عندي طريقه مثل الناشف فحبيت أغير لو في حد ايفيدني ياريت
ان شاء الله البنات يفيدونج
اسلقي شويه بازلاء
وسوي بطاطا مهروسه اللي تتسوى بالحليب والزبده
وعقب خذي الجبود وغلسيهن
خذي شويه بصل شرايح طويله وحمريهن على نار هاديه لحد ما يصير كراميل يعني على اوطى شي تحطين النار وتحطين في المقلى شويه زيت يكفي للبصل بس هب وايد وتحركينه كل شوي وبياخذ وياج يمكن 10 دقايق او اقل
عقب ضيفي فصين ثوم منعمات
حطي الجبود وقلبيهن بشويش عشان ما يتفتت منج
حطي شويه ليمون شي خفيف مع دبس الرمان ومتبل بالفلفل الاسود والملح
وعقب حطي عليه عصير طماطم بس يكون ثقيل واذا ما عندج جاهز خذي طماطم احمر واعصريه او اضربيه في الخلاط بس لا تحطي ماي اذا امكن
والطماطم لازم يكون شوي يا دوب يسوي صوص
غطي المقلى او الجدر ولو اني افضل المقلى الواسعه وفي دقايق بيكون عندج الجبد جاهز
عقب غرفيله في صحن وحطي عداله البازلاء والبطاطا المهروسه
وان شاء الله يعجبكم
