الحقوني بنتي طيحتها اختها من الكرسي ع السراميك

بنات بليز ساعدووووووني بنتي الكبيره

عقت اختها مال 3 شهور من الكرسي ع السراميك

واندقت ع راسها (( يعني بكبرها طاحت تحت ع السراميك ))

ما وديتها المستشفى بس هيه ف نفس الوقت صاااااحت

وبعدين سكتت ورضعتها وتمت تلعب تقريبا بعدها

بساعه نامت مال نص ساعه وقامت بس حسيتها طبيعيه

كنت تلعب وتضحك واحين من نص ساعه نامت … خايفه عليها

طمنوني الله يطمن قلوبكم ما عندي حد يوديني المستشفى ؟؟؟؟؟

ان شاءالله خير مدام نامت وصحيت ورضعت باذن الله نافي شي

اذا ماا زاعت بعد الطيحة و عادي تلعب و جذه لا تحاتين و اذا تبين تطمنين وديها المستشفى

بسم الله عليها ما تشوف شر الغالية اذا ترومين وديها احسن الله يطمن قلبج

اهم شي ما رجعت او ما دوخت بعد الطيحه ……… وما عليها شر ان شاء الله بس تميتي تشكين احسن توديها المشتشفى بس عشان تطمنين

ما تشوف شر دايما ادعي اللهم اني استودعك ابنائي فاحفظهم لي سبحانك يا من لا تضيع ودائعه

السلام عليكم ورحمة الله وبركاته

الله يحفظ عيالنا يا رب ويحميهم

اللهم إنا استودعناك ذرياتنا يا من لا تضيع ودائعك .. اللهم ربي فاحفظهم لنا بعينك التي لا تنام

حبوبة دامها ما رجعت عقب الطيحة .. فإن شاء الله ما عليها شر

بس إذا حابة تتطمنين .. خذيها المستشفى أحسن

وربي يحفظ لج عيالج