شو اخباركن. تولهت عليكم
المهم اليوم حبيت انزل لكم قصه ولادتي.
المهم تاريخ 20. 1. 2024. يالسه بروحي بالشقه. والوالدة راحت المستشفى. وانتهوا تعرفون أني بعدني في ألمانيا علشان علاج الوالده. وريلي نازل البلاد وبيوصل تاريخ 21. 1. 2024. هو أخوي. وأخوي يأس ويا ريلي بسون لي مفاجأة.
المهم ما عرفت شو اسوي بروحي قلت بنظف الشقه كامل. وبخليها نظيفه. وارتبها. لانه هاليومين أكيد بربي. كان إحساس.
المهم تميت أنظف وامسح وأشيل واحط. وسحبت السرير خليته الجهة الثانية. وخلصت الساعه 3 الفير.
قلت بروح أخذ شاور وبرقد. خذ شاور ورقدت. كل شوي أقوم أحس الم شرات الدوره قلت شكله عادي شرات كل مره.
المهم الساعه سبع ونص. الصبح تاريخ 21. 1. 2024. قلت بروح الحمام الله يعزكم. يوم وقفت. إلا احصل نزيف قوي وأرض توسخت والحمام. وما عرفت شو اسوي مت من الخوف اول مره يصير فيني جيه. وماشي الم غير شرات الدوره.
اتصلت في أمايه قلتلها اتصلتي بالإسعاف. ثواني والإسعاف وصلت وركبوني الإسعاف وعطوني المغذي وسحبوا دم. ودوني اقرب مستشفى لانه نزيف فيني. وما قدروا يودوني المستشفى اللي فيه مواعيدي.
دخلت المستشفى وسرت صوب الولاده. قالوا فاتح أربعه ماشاءالله الله
تميت اذكر الله وامشي شوي وزاد الطلق وسرتلهم
وتميت شوي قالت لي فتح سبعه ماشاءالله الله.
بس صج ولادتهم غير. مب شرط ترقدين على ظهرج. انا كنت راقده على الجانب اليمين.
وأحلى شئ التحفيز الطلق ما يعطوونج إياه وتتعذبين
يوم يوصل الرحم تسعه أو تسعه وشوي هنئ يعطوونج الطلق
على الساعه 11. حطت لي الطلق. وعلى فكره. يخلو نج تسوين اول بوشب. وأدخل أيدها وتسبح الولد. علشان ما تتعبين وتساعدج. عقب اطلع أيدها. تقول ارتاحي. يوم اييج الانقباض خذي نصخ واواكتمه وادخل أطراف أيدها وتسحب البيبي.
أما عندنا في البلاد أتعبني واتعبي وطلق ويخلو نج بروحج تدفعين.
الصراحة لا حسيت بالولادة والشي وربيت
تاريخ. 21. 1. 2024. الساعه 11. و19. دقيقه. والويع زخني سبع شوي.
والحمد الله مع انه قبل مقررين عمليه. بس ربي كريم.
والحمد الله. على كل حال
الله يوفجكن حبيباتي ويسهل على كل حامل. ويرزق كل محرومة يا رب
أدعو لي انا والوالدة. ونرجع بالسلامة
وتاريخ 25. بعد كم يوم عمليه الوالده سبحان الله ربيت قبل لا ادش عمليتها بمكن يوم.
تحياتي لليميع
والتساهيل من رب العالمين سبحان الله مع انه كانو مقررين عمليه
والله يشفي الوالده وان شاء الله تنجح العمليه واتردون البلاد بالسلامه
ان شاء الله تشدى حالك و تقومي بالسلامة و الله يطمنك ع الوالده
ممم كم من سوال ..
سوولج خياطة عقبها…ولا لا…
وقت ما دخلت ايدها عل صار تشقق او سوولج قص …؟؟!!
وكيف الولادة عالجنب ما فهمتها (فيس مصدوم ) خخخ