الحمدلله ربي العالمين:)

كيف الحال خواتي عساكم بخير

من كم يوم كنت منزلة هالموضوع وكنت في حالة مايعلم فيها الا ربي

https://forum.uaewomen.net/showthread.php?t=557853

أشكر كل خواتي الي حدرن الموضوع ودعلي والي اكتبلي أدعية ،،،

والله أني كنت تعبانة نفسيا كنت ماأقدر آكل وما أقدر أرقد وكله أصيح ومضايقة،،،بس الحمدلله الحمدلله
تميت أستغفر ربي ليل نهار وأنا الحمدلله من زمان مواضبة على قراية سورة البقرة،،وهالأيام تميت أقرى سورة الانشراح عقب كل صلاة وقبل لا أرقد،،،
والله أني مريت بساعات حسيت أني خلاص أتمنى الموت من الضيق والقهررررر الي ياني
صح الشخص يتأثر من موقف معين بس والله أنا الحالة الي كنت فيها حسيت أني فاقدة شي كبير
وعقب تفكير ومراجعة أفكاري تميت أقول فخاطري ليش أنا جي أسوي وليش متعبة عمري وأفكر ع الفاضي،،بالفعل اقتنعت أني حرام أنزل دمعتي على انسان مايراعيها ،،حرام أنزل دمعتي على انسان تخلي عني بسهولة ،،حرام أنزل دمعتي على انسان بيروح عند غيري وخلاني ،،
وأكبر حرام أني عطيت قلبي لشخص مايستاهله ،،،، صدق الي قال ( لي فات الفوت ماينفع الصوت)

حتى اتيني حالات أدعي ع الي سببلي كل هالجروح والمتاعب من القهرر بس عقب أقول لا حرام الله يوفق الجميع ،،،،بس مهما كان من حرتي مرات احس أني مظلومة ،،،

بس الحمدلله ربي العالمين أني تخلصت من الضيق الي كان متعبني ،صح اني اتيني حالات أفكر بس اتم استغفر لييين أنسى ،،،والي يتقرب من ربه يحس براحة نفسية واطمئنان،،،

خواتي يزاكن الله خير والله من طرحت الموضوع لولي فالمنتدى وشفت أدعيتكم ارتحت نفسيا

وبعد ماأنكر ان أعز ربيعة على قلبي وقفت ويايه وكانت تهديني

وأحس أني بديت صفحة يديدة ف حياتي،،والحمدلله استويت آكل ونفسيتي تغيرت

والله يبعد عيال الحرام عنا ياااااااااااااااااااااااااااااااااااااارب

الحمدلله ياااااربي

اهم شي انج رجعتي مثل ما كنتي

الحمدلله ياااربي

ولله يوفقج ويرزقج باالا تتمنيه ان شاءلله

^^

يارب دووم قلبج مرتاحه

امين

الحمدالله لك يارب

الله ايوفقج الغالية وايسر امورج ويسعدج غناتي

آلحمدآلله ^^

وآلله يوفجج إن شآءالله دنيآ وآخره..~

الحمد الله ^_^

الله يبعد عنج الهم ان شالله وتتيسر كل امورج

اختي انا دايم اقول في نفسي اذا انا بغيت السعادة والفرح والسرور وراحة البال … انا اللي ادور عليها ما انتظرها تييني او انتظر تتغير ظروفي …………….العكس اروح ادور على اي شي يسليني يونسني يبعد تفكيري عن الاشيا اللي تضايقني

وعندي قاعدة ما اتنازل عنها

اي شي صار من الماضي اسويله طاااااااااااف نهائي

اعتبر واتعظ منه عشان ما اكرره

لكنه خلااااااااااااااااص ماضي وانتهى

سواء حد اساء لي

او شي لو صار بيسعدني وبيغير حياتي لكنه ما تم

او اي شي يضايق

واول شي اسويه اغير ترتيب الغرفه ادري شي تافه لكنه يحسسني اني ابدا من يديد

ابتسمي وعسى الله ييسر لج كل خير ويعوضج بالاحسن

الحمدالله رب العالمين =)