الحمد لله الله برد لي قلبي .

المهم تذكروا ورا امس خبرتكم عن السالفه الي استوت لي ….

https://forum.uaewomen.net/showthread.php?t=296468

الحمد لله على الاقل ارتحت شوي …. سرت المركز بعد ما تموا يتصلوا فيها وهي ما ترد اونها راقده … المهم جات المركز ومعاها بنت اخوها … يلسنا جدام الضابط خبرها اني رافعه عليها شكوى جان تسوي عمرها ما تعرف شو السالفه ؟؟؟؟؟؟ خبرها اني اشتكيت عليها بانها تشهر بي وبسمعتي جدام ربيعاتها وجدام بنات من اهلها … قالت انا ؟؟؟؟؟؟ قهرتني فرديت عليها وقلتلها و ليش انا اعرفج اصلا عشان اتبلى عليج قالت انا ما كنت ارمس عنج انا كنت اقصد وحده ثانيه راح رد عليها الضابط قال لها شرف البنات مب لعبة بايدج عسب ترمسين عن كل وحده شوي جان تسكت ما عرفت شو تقول !!!!
المهم…

عقب قال وقيل … طلبت من الضابط ان لو هي فيها خير تجيب الولد … قالت اي ولد ما اعرف شو السالفه … قلت لها الي قلتي انه يرمسني ويعرفني زين ما زين؟؟؟؟؟ وينه ما قلتي انه من اهلج ؟؟؟؟؟ (( سوت عمرها صينيه وما تفهم عربي )) وقالت ما اعرف عن شو ترمسين قلت لها الرمسه الي هي قالتها حق ندا ربيعتي ؟؟؟؟؟ قالت انا ما قلت شئ !!!@! هني صدج انصدمت

المهم لان الضابط (( جزاه الله كل خير … وبارك فيه )) شافني اني مب يالسه اتبلى ولا يالسه استهبل وشافني صدج وحده محترمه … على الاقل مب شرات الاخت عطر لاخر الممر وميكب ودنيا !!!!!!!

المهم جان يقول لها بنكتبج تعهد انج مرة ثانيه لو قذفتيها او مسيتي سمعتها وهي اشتكت بنحولها على طول قضيه ….؟؟؟؟؟

عيونها زين ما طلعت بره راسها … انا اشوف انها تستاهل صراحه !!! على العموم الضابط قالي ان لان ما في احد شاهد على رمستها ولا في ادله فما يقدر يشتكي عليها ويكبر الموضوع … بس هو من طريقة رمستها عن الموضوع فهم انها تستهبل (( والله لو كان احد شافها منكن جان صفعها على اسلوبها الوقح ))

فما قدر يسوي غير ان يكتبها تعهد على نفسها .. على الاقل ما تتجرا ان تغلط علي وما تحاول تسوي نفس الحركه مع غير

والله كفو عليه برد قلبي وريح بالي الحين اطمئنيت اني راويتها منو انا … اقصد ما بسكت عنها وعلى حركاتها

مع اني والله ما حبيت اشهر فيها ولا اطلع عنها رمسه شرات ما سوت … مع اني مب قاصرني شئ … بس انا اخاف من الله وما احب اقذب البنات بدون وجه حق … اذا الله امر بالستر اذا شفنا احد مسوي شئ ما بالج ما شفتي عليها شئ وترمسين عنها!!!!!!!

حسبي الله ونعم الوكيل في كل وحده تتجراء وترمس عن اعراض بنات الناس حتى لو شايفه على البنت شئ … الله ستار حليم … بس الانسان ؟؟؟؟؟؟؟ الله المستعان