الحمد لله و للمرة الثااانية انكسر قلبي ,, خبرووووني شو اسوي :(

شخباااركم خوااااتي ,, عساكم طيبين

شخبااااار رمضان وياكم

شخبار الطاااااعات في هالشهر الفضيل

خوااتي انا وااايد مظااايجة من الي صااارلي قبل يومين

بخبركم بالتفصيل

و من البدااااية

في وحدة اتصلت لأختي و كلمتهااا عني انها تباني لأخوهاااا ,, كلمتها بعد عن عايلتهم و اهلهم و هم كيف

اصلا اختي تعرف هم كيف من زمااان ,, ،لأنها زميلة اختي في الدواام و يفضفضووون لبعض احيانا

فأختي تحمست واااايد و استاانست الصرااحة ,, خبرتني عنهم ,, انا كنت شوي مترددة في البداية,, لسبب معين ,, بس ختي يحليلهاااا كانت تبالي الخير و سحرتني بكلاااامهاااا

خلتني اطير في سااابع سمااا

المهم صليت الاستخارة ,, و كلموا الوالد و الوالدة

الوالد سأل عنهم ,, و شاف انه ريال زين و صالح و وووووووو

امي ما بغت لأنه مب من الاهل و هي خااطرها واحد من هلي (( كان خاطبني بس ما صار نصيب ,, و هم للحين عندهم امل ))

انا قلت اني نصلية استخاااارة و متوكلة

ابوي سألني ها شرايج ؟؟ قلت له الراي رايك ,, اذا الريااال زين و جي و اخواني و اهلي موافقين ,, الشور عندك

الاخوااان كلهم وافقوا بس سبحاان الله قلب الأم ما كان رااااظي ,, و ابوي قال بنقدر نقنعهااا ان شاااء الله ,, زارنا خالي في البيت و قعد يقنع فيها ,, و نقدر نقوووول انها نص و نص الحين

المهم ثالث اياام رمضاااان ,, كانت الخطووووبة ,, و بعدها بفترة ابوي قال لهم ان الملجة وووووو تحديد كل شي بيكووون بعد رمضااان

تصدقوووووون

ان كل هذا استوى و امه مب شايفتني !!!!!!!!

انا قلت لهم اول شي لازم الحرمة تشوووفني ,, كيف يخطبووون جي !!!!

بس على اساس البنات شايفني و يعرفووووني و بعد حرمة ولدها تعرفني كانت في الجامعة وياااي و على هالاسااااس

قبل يومين ,, امه قررت تزورنا عسب تشوفني طبعا

و استقبلناهم في البيت ,, و انا ماكان خاااطري اكشخ و ااتعدل ,, خواتي لزموا علي ,, وعالخفيف حطيت ,, او بالاحرى مب جني محطية شي

المهم

دخلت عليهم و سلمت و ياليتني ما دخلت ,, الحرمة + بناتها نظرااااااااااااااات قووووية علي و انا من النوووع الخجووول الي استحي من ظلي

و هم قاعدين قبالي مرة ,, مارحموووني ,, عيونهم كانت علي ,, و على قولة اختي الوان قوس قزح كلها كانت في ويهي و كنت اتنااافض و حالتي حاالة ,, لأني واايد استحي من ناس ما اعرفهم ,,, و كيف اذا كانوا عشان هالموضووووع

و الحرمة قالت لأختي ماشاء الله ,, اختج حلوة

اختي قاعدة عند ام الولد و تضحك علي و تنغز ,, و تقول جوفيها كيف مستحية ,, انا ماقدرت اكمل

طلعت علطوووول من الميلس و غطيت نص ويهي ,, و الله من الحياااااا

لحقتني اختي ,, ليش سويتي جي ,,

و بعدين دخلوووني خواتي بالعافية مرة ثاانية

و كانوا يسوووولفووون عاادي و ضحك و مصخرة ,, انا كنت شالة بنت اختي الصغيرة في حظني ,, اختي تقول لي جدامهم مرة ثاانية نزلي البنت ,, فوووق ما انا مستحية ,, قفطت بعد

المهم آخر شي رحموووني ,,

و بعد شوي قالوا نحن بنستئذن الحين ,, وهم يسلمووون لاحظت شي غريب ,, انهم ما يطالعونا يطالعوون الارض

هالشي الصراحة ماعيبني

روحوا و احنا خذناها تنكيت و ضحك و يحطوون علي كيف مشيت و كيف طلعت و كيف كنت ارتجف ورحظوا علي هالشي

و ظحكنااااا واااايد

قلت لأختي

دقي حق ربيعتج ,, شوفي شو قالوا ,, و انا ابا اعرف شو قالوا ,, اكيد علقوا علي ,, اكيد يظحكووون

اكيد

اكيد

وهي تخسس فيني ,, تقولي مابدق ,, بذلج و انا ذليت عمري عندهااا

كل شوي افصهااا قومي قوومي

و خواتي طلعوا قعدت مع امي ,, و نتغشمر ,, و جي ,, فجأة لاحظت ان خوااتي ال3 محد ,, استغربت ,, اجوفهم مسوين اجتماااع سري ,, و اول ما دخلت أشروا علي اني اسكت ,, و اختي كانت تكلم أخته بالتيلفوووون ,, سكتت بس لاحظت شي غريب ,, احسهم مبوزين ,, قلت فخاطري

ماعيبهم شي ,, ليش جي ,, شو السالفة ,,

اظايجت وااايد

و انا مب عارفة السااالفة طبعاااا

المهم

سألتهااااا

قالت لي خلهم يولون

استغربت من ردة فعلها غير المتوقعة

و عرفت انهم قالوا لهاااا بكل برود

نحن آسفين بس مافي نصيب

و الاسباب حسب توقعاتي

أولا ,, لأني مب جميلة ,, و لا اني خسفة بعد ,, انا شكلي عادي و الجمال جمال الروووح

ثانيا ,, لأني ضعيفة ,, و هم هالشي يعرفوونه قبل الخطوووبة

ثالثا ,, لأني مب جريئة و خجولة ,, والله اني افتخر بخجلي ,, اذا البنت على هالسالفة ما استحت متي تستحي عيل ؟؟؟؟

رابعا ,, لأني ما لونت ويهي ,, أصلا انا ما احب المكياج وااايد ,, و بعدين هم يايين يشووووفون ويهي و ملامحي و لا مكياجي ,, كان بامكاااني اسوي فل ميكب و اطلع لهم وحدة ثااانية و قمر بعد ,, بس انا ماسويت ,, و بعدين امي ما تحب نحن نحط مكيااااج في الخطوووبة

بينت لخواااتي اني عادية جدا و السالفة ما تستاهل و هم بيش زعلانين ,, اصلا زين يت منهم ,, و انا كنت مترددة ,, وجي ,,

بس في داخلي

شي ثاااااني والله

دخلت الغرفة و انفجرت صياااااااح ,, من كل قلبي والله ,, حتى قلبي عورني ,,

و للأسف هذي مب اول مرة ,, ثااااني مرة يصير هالشي معاي ,, اول مرة خواته قالوا ليش حظ اخونا جي ؟؟؟

ليش يعني ,, انا شفيني

والله العظيم يا اخواااتي

خاااطري احط صورتي عشان تحكمون علي ,, لهدرجة انا اخرررررع

اللهم لك الحمد على كل حاااال

بس والله احس اني تعقدت من هالسااااالفة و صرت اكره طاري الزواج و الخطووووبة ,,

و عرس اختي الصغيرة بعد شهر ,, و في ناس من هلي والله من اجرب الناس لي ,, قالوا لي اذا انتي فيج خير ,, جان ما تفركشت خطوبتج في كل مرة ,, و الله هالكلاااااام يذبحني يعذبني

اللهم لك الحمد ,, مب عارفة شو اسوي والله ,, كرهت عمري استغفر الله ,, مب زين جي ادري ,, بس مظاااااايجة واايد

خواتي انا بنت مثلكم خاااطري بهالزواج بعد ,, بس الي صارلي خلاني اكره الزواج و اخاااف منه بعد
والله

بس لايمكن الجأ للحراااام ,, قولو لي شو اسوووووي

اسير اغير خلقة ربي عشان ارضي الناس … لا والله ,,