الحيرة ذابحتني

شحالكم بنااات ؟؟ عساكن مرتاحااات وبخير وسهاله ..

أنا صار لي فترة أقرا مشاكل البنات في هالقسم وأقول في خاطري أشارك بمشكلتي ولا لأ .. بس تعرفن طفح الكيل عندي وتعبت وحابه إني أفضفض وأقول اللي في فخاطري وأخذ براي ونصيحة خواتي إن شاء الله تفيدوني ..

الله يسلمكم أنا مطلقه من 5 سنوات وعندي ولدين ومن فترة سنتين خطبني واحد وكان شرط هلي إنه ما نستعجل فالزواج عشان أعرفه عدل وما يتكرر الفشل اللي مريت فيه قبل ..

أنا مع الوقت تضايجت وطلبت شي رسمي بيني وبينه وهو أحسه أبرد منه ماشي وكل مرة هله يسوون موعد وسبحان الله يستوي شي ويتفنكش الموضوع .. وأنا حتى صليت صلاة الإستخااارة وما كنت مرتااحه موول .. المصيبه يا بنااات إنه هو يحبني موووت وبشكل مش طبيعي وجنوني .. وأنا حاسه إنه هو خانقني .. وأنا قتله يا يكون في شي رسمي يا كل واحد يروح في دربه ..

عيالي تعلقو فيه لأنه في فترة الخطوبه أمي قالت خل عيالج يعرفونه ويختلطوون فيه يمكن هو ما يتوالف وياهم يمكن سبحان الله ماله بارض صغاريه بس طلع إنه هو يحبهم وااايد ومتعلق فيهم بس ما يبا إرتباااط رسمي بينا وهذااا حراااام فالإسلام ..

في نفس الوقت تقدملي واااحد معايه فالدوام ووسيم وطيب بس متزوج وحاب إنه يستر عليه وخبرت هلي أنا بالموضوع قالولي القرار قراراج وأمي تقولي والصغاريه حرااام تعقلو في الأولاااني قتلها شو يعني أتم أنا جيه معلقه ..