الحين هذا رد بذمتكم

السلاااااااااااااااام عليكم يااابناااااااااات و حرييييم
اليوم صارلي موضوع رد ضايجني من اول و يديد
انا سويت مثل ما قلتواا و طنشت ريلي يومين و غلقت فوني و اليوم يوم تم يتصل رديت عليه رمسني عادي و انا بعد ما بينت اني مهتمه و عقب بند قالي انا رايح ام القيويييين و مثل ما قلتلكم انا يجييسني وسوااااس و تميت اتصل فيه عطاني مغلق و قبل شوي رد هو اتصل و اانا ما سمعت الفون فرديت اتصلت فيه سالته وين انت و جي عقب قالي خلاص بكلمج باجر قلتله انت ويا منو قالي وياا ربيعتي قلتله ما اسمع صوت ربيعك قال حق ربيعه ارمس جان يرمس ربيعه عقب قالي يلا خلاص بندي بيلس ويا الريااال تميت ساكته (لاني ولهاااانه عليه و الله ما ابي ابند )قلتله ليش بتبند و جي قالي انا من جي ما احب ارد علييييييييييج يوم تتصلين سكت ما عرفت شو ارد عليييه و الله قالي باجر يوم بجوفج بتفاهم وياااج
و ربي كثر ما انا مضااايجه منه رد ضااايجبي اكثر
يعني الحين هذا رد يرد علياااا
تعبت و الله متى بيحس هذاااا

الله يعينج حبيبتي ويصبرج
والله قهر لو ريلج مابيقعد وياج ولا بكلمج بتكلمين منو
هو مايخاف عليج يخليج روحج فالبيت.. مايشتاق لحرمته !!
ماعرف ليش هالفئة من الريايل جي معاملتهم ..
دام مب قادر عالزواج ومسؤولياته لا تتزوج وتخرب حياة بنات الناس
الله يهدي ريلج

وايد مضايجه و الله
الحين قالي باجر بنتفاهم و بقول كل اللي ف قلبي
احس اني خااايفه منه تحت راسه شي ما اعرف شو هو
متوتره من الحين
بنااااااااااااات ادعولي لا تنسون اختكم

ههههه ليش تسالين البنات عن نصايحهم اذا ما بتتبعينها؟
قلنالج طنشي وردي باختصار وسكري, ولا تسالين وين انته وشو تسوي ومع منو ووين رايح وليش واثقلي
بس انتي لا, مصره تتصلين وتتصلين, واذا اتصلتي تسالين وما تبندين
كيف تبينه يشتاق لج عيل؟ كيف تبينه يحس انج ما تتحملين هالمعامله اكثر؟

اول شي ليش تغلقين فونج الرياييل هب اغبياء عشان ما يحطون في بالهم انه الحريم شي تحت راسهم خاصه الي وااايد بينها وبين ريلهاا شي..
عادي بخلي الفون شغال واذا انتي ما تبين تنتبهين ع الفون حطيه ع الصامت ومب شرط اول ما يدق تردين..
عادي ردي دقي له بعد ربع والا نص ساعه..
بقولج شي بس لا تزعلين توقعي انه الثالثه بتكون فالدرب والسبب انتي لانه ما حصل الراحه الي كان يباها يوم تزوج..
صايره المحقق كونن وين وليش وانا وانا وانا وخلاف تزعلين لو قالج ما احب ارد عليج والا قالج يالله بندي الفون هذا بدال ما تكونين انتي الي تبين تسكرين..
باختصار كان المفروض يوم انه دق لج تردين ادقيله بعد ربع ساعه ومره وحده جانه ما رد خلاص لا تعاودين برد يدق لج ومن يدق برد عادي هلا شحالك وشو حال العيال…؟
وشوه الدوام وان سالج عن حالج بخير سهاله ماكان عنده رمسه يقولها بقوله شي في خاطرك فديتك مشغوله قالج لا قوليله مع السلامه وان قال هيه قوليله امر قالج وحشتيني والا اشتقت لج او باجر بمر عليج بقوله ان شاء الله زين عيل ما بطول عليك مع السلامه ..
فيه اصعب من انج تردين بهذا الرد ………..؟
بس فيه مثل يقول عقلج براسج تعرفين خلاصج جانج تشوفين اسلوبج معاااه صح استمري فيه بس لا تقولين انا سويت بنصيحتكم او بشوركم لانه الي انتي تتبعينه معاااه شورج ..
والسموحه ع الاطاله..

تعرفين من دون زعل بعد تفكير اكتشفت انج انتي الي تسببتي لنفسج بهاي المشكله يعني الغلط والمشكله منج مب من ريلج والسبب..
انتي هجوميه تزوجتي وااحد متزوج وبدال ما تكسبينه قمتي تظهرين غيرتج بهجوم يعني هوه ما تزوج عشان تيه وحده هنانه وحقوقج انتي تنازلتي عنهن عشان بس ادورين ع وسيله ترضينه بعد ما طفشتيه منج باسلوبج..
يوم رديت اقرا الموضوع الي منزلتنه (الحين هذا رد بذمتكم) هذا الرد ينطبق عليج لو حطيتي نفسج مكان الريااال بتشوفين انه اسلوبج وااايد منرفز وما يحبب الشخص انه يتواصل معااج يعني بدال ما تقوليله كلمتين تخلي ريلج يشتاقلج ويحن لج لا تحققين معاااه باسلوب يطفش..
يوم انه اختار ايلس مع حرمته وعياله لانه محصل الي يباه راحت البال والرومنسيه والحوار الحلو بس انتي لا كل همج انج تحوينه لنفسج وغصبن عنه وهذا مب اسلوب..
زوجته اشطر منج وذكيه عرفت تخلي ريلها في صفها وهالشي مب بمكر لا بذكاء لانها تريد تعيش الحب والرومانسيه وهالشي يحبب الريال مب يطفشه..
انتي من عرضتي مشكلج ما قريت منج شي بخصوص الرومانسيه كل الي قلتيه انج تبين كل شي حقج انتي وبس مع العلم انتي عارفه انه مزوج وتأملتي انه يوم طلق زوجته الاولى بطلق الثانيه وبخليج بس ما صار مثل ما تأملتي..
اعرف انه ردي جارح بس المشكله فيج انتي مب في ريلج غيري من نفسج وبعدها عاتبي ريلج اذا قصر غيري من اسلوبج معاااه وخليه يشتاق لج والله يوفقج..