الخادم الذكى

يحكى ان خادم عائداًَ في المساء يحمل كيساً مليئاً بأموال سيده , وحدث أن أحد قطاع الطرق ظهر له في الظلام ومعه بندقية , فإستسلم في الحال الخادم ووضع كيس النقود عند أقدام اللص دون أي مقاومة , ولكنه نظر إلى اللص في استحرام وقال له : لو أنني ذهبت إلى صاحب العمل ورويت له ما حدث لي فلن يصدقني , لذلك أرجو منك أن تطلق رصاصة من بندقيتك على طرف ثوبي فاحتفظ بوظيفتي , فأطلق اللص رصاصة على ثوب الخادم , ولكن الخادم قال له أيضاً : هل تسمح بطلقة ثانية على الجانب الآخر من ثوبي حتى لا أبدو أمام سيدي أنى جبان ومتهاون قال اللص : حسناًً لا تطلب منى طلقة ثالثة فليس لدى سوى طلقتين , وبعد أن أطلق اللص الرصاصة الثانية قال له الخادم في تحدى : الآن أصبحت أعزل مثلى فهات النقود وإلا صارعتك وأخذتها منك بالقوة , خاف اللص وأعطاه النقود ومضى بسلام .
لو انت فى الموقف ماذا ستعمل ؟؟؟؟

خخخخخخخخخخخخخخخخ

من حسن حظه ان المسدس فيه طلقتين لو اكثر الله يعلم شو بيسوي؟

طلق على الطرف الاول والطرف الثاني وطلقه بعدين ويييييييييييييييين ؟؟؟؟ بالصدرخخخخخخخخخ

لو محله بعطيه الفلوس كلها لاني مااقدر ادافع عن نفسي وجي

والارزاق بيد الله

اذا صدقني صاحب العمل كان خير ماصدقني شو اسوي

لان حتى لو طلق النار علي يمكن مايصدقون يقولون هو طلق على نفسه عشان الكذبه وجي

طبعا مادمت انسان امين الكل بيصدقني وجي

يمكن اقول له اني بعطيك كل المال بس ترافقني عند صاحب العمل والمسدس على راسي عشان يشهد بنفسه على هذا الشي

لوووووووووووووووووووووووول

هو اصلا الحرامي فاضي!

للررررفع

بلجأ للحيلة طبعا …بقول له هالفلوس و لا شي مقابل الفلوس الي عند الي مشغلني و انت ييت في الوقت المناسب لأني تعبت و أنا خادم و هو عنده هالخير كله و أبغي أستوي أنا بعد تاجر شو رايك نتعاون …خلني أرد بالفلوس عسب ما يشك فيني صاحب العمل و عندي خطة جهنمية نحصل بها عالفلوس كلها الي عنده و يومين و نتقابل هني بنفس المكان بس لا تغدر فيني عقب ما أييب لك الثروة الي بييب …أنت مبين عليك ذكي وواضح بنتعاون ويا بعض و نسوي هالعملية الي أعتبرها صفقة العمر و شوف أنا بس بييب لك الفلوس و برد عشان ما يشكون فيني و عقب كمن يوم أتحجج بشي و أترك العمل و نلتقي هني بعد عشان تعطيني نصيبي : أقول له هالجملة الأخيرة عشان يطمع أكثر و يتحسبني قمة الغباء فما يشغل مخه وياي و يصدقني ….هههههههههه

بنزل الفلوس ولما ينزل ياخذها بضربه في مكان حساس وبخذ المسدس وبشل الفلوس وعقب بهدده وباخذ فلوسه الي عنده على شان يتوب يسرق مسود الويه هههههههههههههههههههه
عقب بخليه يروح قدامي لين رب العمل وبخبره السالفة على شان اخذ مكفئه سنعه
عقب برد للحرامي فلوسه مافي اخذ بعد فلوس حرام وبنروح للقاضي الي لازم يحكم بقطع ايده
وبكون استفدت وايد وبيكون اهو خذ درس ما ينساه طول عمره
هذه بالخيال لو صدق صارلي الموقف
بعطيه الفلوس وما بخليه يشوف غير غبرتي يا حبيبي حرامي وعنده مسدس مب لعب السالفة يا روح ما بعدج روح

الشردة نص المريلة هههههههههههههههههههههه
بصراحة مااعر شو بسوي يمكن احاول احتال علية بس من يطلق اول رصاصة مابيشوف الي غبرتي

لو تعرضت للموقف ..
بعطيه وبتم اصيح ولو قدرت اركض بركض ..
ما اقدر افكر بحيله لاني خوافه بالقوووووو